ბულგარეთისა და მოლდოვის საპრეზიდენტო არჩევნებში პრორუსი კანდიდატები იმარჯვებენ.

პრორუსმა კანდიდატმა იგორ დოდონმა მოლდოვის საპრეზიდენტო არჩევნების მეორე ტურში გამარჯვების შესახებ უკვე განაცხადა.

ცენტრალური საარჩევნო კომისიის მიერ გამოქვეყნებული წინასწარი შედეგებით, დათვლილია ხმების 95%, საიდანაც იგორ დოდონმა ხმების 55% დააგროვა.

როგორც ცნობილია, დოდონი თავისი პრორუსული განწყობებით გამოირჩევა, მან საარჩევნო კამპანია რუსეთთან მჭიდრო პოლიტიკურ-ეკონომიკური კავშირების აღდგენისა და ევროკავშირთნ ასოცირების ხელშეკრულების გაუქმების მოწოდებებზე ააგო.

მოლდოვა საპარლამენტო რესპუბლიკაა და პრეზიდენტს შეზღუდული ძალაუფლება გააჩნია, რის გამოც იგი თავად ვერ შეცვლის ქვეყნის საგარეო პოლიტიკურ კურსს, თუმცა, მისი არჩევა საკამო სირთულეებს შეუქმნის ქვეყნის ევროკავშირთან შემდგომი თანამშრომლობის პროცესს.

რაც შეეხება ბულგარეთს, საპრეზიდენტო არჩვენების მეორე ტურში აქაც პრორუსი კანდიდატი, სოციალისტური პარტიის წარმომადგენელი, ყოფილი გენერალი რუმენ რადევი ლიდერობს.

წინასწარი მონაცემებით, 53 წლის ყოფილმა სამხედრო მაღალჩინოსანმა, ხმების 58% მოიპოვა. მმართველი პარტიის კანდიდატმა, ცეცკა ცაჩევამ კი დაახლოებით 35% მიიღო.

წინასწარი შედეგების გამოქვეყნებისთანავე, ბულგარეთის პრემიერ-მინისტრმა გადადგომის შესახებ გააკეთა განცხადება.

რადევი წინასაარჩევნო კაპანიის დროს რუსეთის წინააღმდეგ დაწესებული სანქციების გაუქმების ინიციატივით გამოდიოდა.