ევროპარლამენტის თავმჯდომარე მარტინ შულცი თურქეთს სანქციებით დაემუქრა, რომელიც ქვეყანას ჟურნალისტებისა და ოპოზიციონეტი პოლიტიკოსების მასობრივი დაპატიმრებების გამო შეიძლება დაუწესდეს.

"ჩვენ შეიძლება ვიფიქროთ რა სახის ეკონომიკური სანქციები დავუწესოთ თურქეთს. წლის ბოლოს ვაპირებთ საბაჟო კავშირის რეფორმირებას, ხოლო თურქეთი ამ კავშირის წევრია. მე ვერ წარმომიდგენია, როგორ შეიძლება ვიფიქროთ ამ კავშირის გაფართოებაზე, თურქეთში მიმდინარე ოპოზიციონერი პოლიტიკოსებისა და ჟურნალისტების დაპატიმრებების ფონზე," - განაცხადა შულცმა გაზეთ Bild am Sonntag-თან ინტერვიუში.

შულცმა აგრეთვე მ,კვეთრი განცხადება გააკეთა თურქეთში სიკვდილით დასჯის შესაძლო აღდგენის თაობაზე. "ამ შემთხვევაში თურქეთის ევროკავშირის წევრობაზე საუბრები საბოლოოდ დასრულდება," - აღნიშნა შულცმა.