მან განაცხადა, რომ სენაკის ინცინდენტთან დაკავშირებით წარსულში დაწერილი ჩვენებაში იურისტის მითითებით ჩაწერა, რომ მასზე ზეწოლა არ მომხდარა, ახლა კი მან ეს ჩვენება შეცვალა.

მსგავსმა განცხადებამ ბაჩო ახალაიას გაღიზიანება გამოიწვია, რაც კამათში გადაიზარდა.

"იმ დროს იყავით დაღლილი? ვარჯიშის შემდეგ? გესაჭიროებოდათ მოსვენება? ანუ ბაჩო ახალაიამ გასცა თუ არა ის ბრძანება რომ დასვენება გესაჭიროებოდა? რომ მოდიხარ აქ, სასამართლოში და პრეტენზიებს აყენებ, თუ თვლი, რომ არასწორად მოგექცნენ, არასწორად ჩაუსვიხართ რაღაც სიაში, რატომ არ უჩივი იმ ხალხს ვინც არასწორად ჩაგსვა იმ სიაში? მე რომ მიზიხარ აქ და მე რომ მიჩივი, იმ ხალხს რატომ არ უჩივი ვინც არასწორად მოგექცა? უნდა მსახურობდეს თუ არა საქართველოს შეიარაღებულ ძალებში ისეთი ოფიცერი, რომელიც იურისტის ზეწოლას ექვემდებარება", - განაცხადა ბაჩო ახალაიამ.