რატომ ეცვათ იისფერი კლინტონებს დამარცხების შემდეგ

ეს საინტერესოა - 15:13, 11 Nov, 2016

22597

საპრეზიდენტო არჩევნებში დამარცხების შემდეგ, 9 ნოემბერს თავისი „დანებების სიტყვის“ წარმოთქმისას ჰილარი კლინტონი ისევე, როგორც მისი მეუღლე იისფერებში იყვნენ გამოწყობილნი. ამ ფერის შერჩევა კი ასე უბრალოდ არ მომხდარა.

ჰილარი კლინტონის სტრატეგია შერჩეულ ფერებშიც გამოიხატებოდა. სცენაზე ჰილარი რალფ ლორენის იისფერ-შავი პიჯაკით გამოვიდა. მისი მეუღლე ბილ კლინტონიც იისფერი ჰალსტუხით წარსდგა საზოგადოების წინაშე. ეს შემთხვევითი არ ყოფილა და გარკვეულ სიმბოლოებს შეიცავდა.

„ის შესაძლოა ვერ გახდა პრეზიდენტი, მაგრამ ის დედოფლად დარჩა“- ამ მესიჯს აგზავნიდა ფერების მეშვეობით ჰილარის ჩაცმულობა. ეს დამარცხება არ ყოფილა თვითმიზანი და ეს შინაარსი იდო მის სიტყვაშიც. პირიქით, პრეზიდენტობის ყოფილ კანდიდატს სურდა ეჩვენებინა დამარცხების მიუხედავად, ძლიერი ქალის იმიჯი.

„იისფერი ყოველთვის წარმოადგენდა ხელისუფლების ფერს“ - აცხადებს ჟან-გაბრიელ კოსი, ფერების დიზაინერი, რომელმაც ჰილარი კლინტონის ჩაცმულობა განიხილა. „ათწლეულებია, იისფერი იაპონიის იმპერატორის ფერია. იისფერი წარმოადგენს ელიტას, მისტიურ ძალაუფლებას. ასევე იისფერი აცვიათ მაღალი იერარქიის სასულიერო პირებსაც, რაც გვიჩვენებს გარკვეულ აღმატებულებას“- აცხადებს ჯან გაბრიელ კოსი.

იასამნისფერი იყო ასევე ის ფერი , რომელსაც ბულინგის მსხვერპლი ლგბტ ახალგაზრდების ხსოვნის დღეს უკავშირდება. ხსოვნის დღესთან დაკავშირებით იისფერი დეტალებით მრავალი ცნობილი პიროვნება წარსდგა მედიის წინაშე მათ შორის აშშ-ის პრეზიდენტი ბარაკ ობამაც. ჰილარი კლინტონმა ამ ჟესტით მათაც გამოუცხადა მხარდაჭერა.

აღსანიშნავია, რომ იისფერი კაბა ეცვა მიშელ ობამასაც. მოქმედმა პირველმა ლედიმ თეთრ სახლში მელანია ტრამპს უმასპინძლა. როგორც ჩანს, მიშელმა კლინტონის მსგავსად საკუთარი ძლიერების დემონსტრირება იისფერით გადაწყვიტა.