ლეგენდარული მომღერალი ლეონარდ კოენი 82 წლის ასაკში გარდაიცვალა

მსოფლიო - 09:49, 11 Nov, 2016

3281

კანადელი მომღერალი, პოეტი და კომპოზიტორი ლეონარდ კოენი 82 წლის ასაკში გარდაიცვალა, ამის შესახებ ინფორმაცია მის ოფიციალურ ფეისბუკგვერდზე გავრცელდა. გავრცელებულ მიმართვაში არაა დაკონკრეტებული თუ რა გახდა მუსიკოსის გარდაცვალების მიზეზი. ლეონარდ კოენთან გამოშვიდობება ლოს-ანჯელესში შედგება.

ლეონარდ კოენი 1934 წელს მონრეალში დაიბადა, სტუდენტობის პერიოდიდან დაკავდა ლიტერატურით და რამდენიმე პოეზიის კრებული და რომანი გამოაქვეყნა.

მისი მუსიკალლური კარიერა 60-იანი წლების ბოლოს დაიწყო. პირველი ალბომი 1967 წელს გამოვიდა. 70-იანების ბოლოს და 80-იანი წლების დასაწყისში კოენის მიმართ ინტერესი შენელდა, თუმცა 80-იანების შუა პერიოდში ის კვლავ გახდა პოპულარული მისი ალბომისVarious Positions-ის გამოსვლის შემდეგ.

ლეონარდ კოენის მუსიკალური კარიერა დაახლოებით 50 წელს გაგრძელდა.

ლეონარდ კოენი ბუდიზმით იყო დაინტერესებული და 1996 წლიდან ის კალიფორნიაში ბუდიზმის მიმდევარი მონაზონიც იყო. 4 წლის შემდეგ დაბრუნდა მრავალრიცხოვანი შემოქმედებითი მასალით და 2001 წელს გამოუშვა ალბომი Ten New Songs.

2008 წელს კოენი საკონცერტო ტურნეში გაემგზავრა რომელი 18 თვე გაგრძელდა. 2012 წელს მისი ალბომი Old Ideas-ს გამოვიდა, რომელიც მუსიკალურ ჩარტებში ყვეჰლაზე პოპულარული აღმოჩნდა.

წელს ლეონარდ კოენმა მისი მე-14 ალბომი You Want It Darker გამოუშვა.

ლეონარდ კოენის სიმღერებში განსაკუთრებული პოპულარობით სარგებლობს Suzanne, Hallelujah, I'm Your Man, Dance Me to the End of Love, In My Secret Life

ის ერთ-ერთ ყველაზე გავლენიან პოეტად და მუსიკოსად მიიჩნევა. 2008 წელს ის როკის დიდების ხეივანის წევრი გახდა.