აშშ-ში დონალდ ტრამპის წინააღმდეგ საპროტესტო აქციები გრძელდება

მსოფლიო - 11:04, 10 Nov, 2016

2685

ამერიკის შეერთებულ შტატებში, დონალდ ტრამპის გამარჯვების საწინააღმდეგო საპროტესტო აქციები დაიწყო.

ჰილარი კლინტონის მომხრეები კალიფორნიაში, ოკლენდსა და სიეტლში გამოვიდნენ. მათ ქუჩები გადაკეტეს და ტრამპის გამარჯვება გააპროტსტეს.

პროტესტი გამოხატა მომღერალმა ლედი გაგამაც, რომელიც ჰილარი კლინტონის აქტიური მხარდაჭერია.

ასობით ადამიანი შეიკრიბა ვაშინგტონში თეთრ სახლთან. დემონსტრანტები რასიზმს, ქსენოფობიასა და სექსიზმს აპროტესტებენ და აცხადებენ, რომ ბრძოლას გააგრძელებენ.

კალიფორნიაში საპროტესტო აქციები გამართეს სტუდენტემაც.

"ტრამპი ჩემი პრეზიდენტი არ არის" - სკანდირებდნენ აქციის მონაწილეები.

საპროტესტო გამოსვლები ასევე იმართება არიზონას, აიოვას, კოლორადოს, მასაჩუსეტსის შტატებში.

საპროტესტო აქციის მონაწილეებმა გადაკეტეს გზები, ზოგიერთ ქალაქში სტუდენტებმა ნაგვის ურნები დაწვეს. ნიუ-იორკში მომიტინგეებმა ტრამპ-თაუერამდე საპროტესტო მსვლელობა მოაწყეს.

შეგახსენებთ, აშშ-ში საპრეზიდენტო არჩევნები 8 ნოემბერს ჩატარდა, რომლის შედეგებითაც გაირკვა, რომ მომდევნო 4 წლის განმავლობაში ქვეყანას 45-ე პრეზიდენტი, რესპუბლიკელი დონალდ ტრამპი მართავს.