The Telegraph-ი ტრამპით შეშფოთებულ კალიფორნიელებს კახეთში ემიგრირებას ურჩევს

მსოფლიო - 17:22, 09 Nov, 2016

12717

ბრიტანული გამოცემა „ტელეგრაფი“ აშშ-ის ახალი პრეზიდენტით უკმაყოფილო მოსახლეობას ემიგრაციისთვის 15 საუკეთესო ადგილს სთავაზობს.

გამოცემის სიაში საქართველოც მოხვდა. „ტელეგრაფი“ ამერიკელებს ურჩევს, ბარგი ჩაალაგონ და კახეთისკენ გაემგზავრონ.

"ჩაალაგეთ ბარგი და გასწიეთ Georgia-სკენ. შტატი არა - იქ "დაიტრამპებით", ქვეყანაა, სადაც სიხარულით მიგიღებენ. კერძოდ, კახეთში, ქვეყბის აღმოსავლეთ ნაწილში, საჭმლისა და ღვინის რეგიონში. იცოდით, რომ საქართველოში ღვინოს 8 000 წელია რაც ამზადებენ?" ეს ახალი კალიფორნიაა, სადაც უნდა მოხვდეთ“ - წერს გამოცემა.

ამაცდროულად, სხვადასხვა შტატის მაცხოვრებელს იმ ალტერნატიულ ქალაქებს სთავაზობენ, სადაც ტრამპს უნდა „გაექცნენ.“

თუ ნიუ იორკში ცხოვრობთ - უნდა წახვიდეთ ლონდონში

სიტლიდან - ვენაში

ლას ვეგასიდან - მაკაუში

პალო ალტოდან - სტროკჰოლმში

ვაშინგტონიდან - ბრუსელში

სონომადან - საქართველოში

სან ფრანცისკოდან - სიდნეიში

ბოსტონიდან - დუბლინში

ჩიკაგოდან - მანჩესტერში

სენტ ლუისიდან - ბუენოს აირესში

ჰონოლულუდან - ოკინავაში

ნიუ იოლეანიდან - კეიპ ტაუნში

ოსტინიდან - ჰონგ კონგში

დეტროიტიდან - ჰარბინში

პორტლენდიდან - ვანკუვერში.

"ნიუპოსტის" რედაქციის შენიშვნა: სონომა კალიფორნიის რეგიონია, რომელიც შტატის ღვინის წარმოების ცენტრად ითვლება, იგი სამზარეულოთი და სტუმართმოყვარეობითაა დამორჩეული. (სურ. სონომას მერიის შენობა)