"იმედს ვიტოვებ, რომ რაციონალური ურთიერთთანამშრომლობა გვექნება"

"იმედს ვიტოვებ, რომ რაციონალური ურთიერთთანამშრომლობა გვექნება" - შულცი დონალდ ტრამპზე

მსოფლიო - 13:59, 09 Nov, 2016

1519

ევროპის პარლამენტის პრეზიდენტი მარტინ შულცი აშშ-ის ახალ პრეზიდენტთან რაციონალური თანამშრომლობის იმედს გამოთქვამს. ამის შესახებ ინფორმაციას როიტერსი ავრცელებს.

„ეს ადვილი არ იქნება, რადგან საპრეზიდენტო კამპანიის წარმართვისას ტრამპისგან ისმოდა პროტექციონიზმის ელემენტები, ასევე შემაშფოთებელი გამოსვლები ქალებსა და სხვადასხვა უმცირესობაზე.“- განაცხადა შულცმა.

მისი თქმით წინასაარჩევნო კამპანია როგორც წესი რეალობისგან განსხვავდება ამიტომ იმედს იტოვებს, რომ ტრამპთან რაციონალური ურთიერთთანამშრომლობა იქნება:

"მაგრამ გამოცდილებიდან ვიცი, რომ წინასაარჩევნო კამპანია, როგორც წესი, განსხვავდება ხოლმე იმ რეალობისგან, რასაც პოლიტიკოსები ატარებენ. ამიტომაც, იმედს ვიტოვებ, რომ გვექნება რაციონალური ურთიერთთანამშრომლობა".- აღნიშნა შულცმა.

შულცის თქმით ტრამპის წინასაარჩევნო კამპანიის შედეგად ის მილიონობით ამერიკელის შეშფოთების საგნად იქცა, ამიტომ ახლა მის წინაშე დგას ამოცანა, რომ აშშ-ს პოლარიზებული მოქალაქეები გააერთიანოს.

„ტრამპის როლი დიპლომატიაში და შეთანხმებებში გამოიცდება პირველივე დღიდან ისეთ საკითხებთან მიმართებაში, როგორიცაა სირია, ერაყი, უკრაინა თუ ლიბია. გლობალური დათბობიდან დაწყებული , ნატოს მიმართ ერთგულებით დამთავრებული. მსოფლიო ელის და იმედი აქვს რომ საპრეზიდენტო მოღვაწეობა მიმართული იქნება საერთაშორისო ურთიერთობების ფორმირებაზე და დაიცავს თავისუფლებისა და დემოკრატიის ღირებულებებს“- განაცხადა მარტინ შულცმა.