დონალდ ტრამპისათვის ხმის მიცემა იგივეა, რაც მე ავტომობილის მართვა მთხოვოთ -

ასე დააფიქსირა მომღერალმა სტივი უანდერმა საკუთარი პოზიცია კიდევ ერთხელ , ჰილარი კლინტონის მხარდამჭერი კონცერტის შემდეგ Philly.com-ისთვის მიცემულ ინტერვიუში.

„როდესაც გამოუვალ მდგომარეობაში ხართ და საავადმყოფოში გადაყვანა გჭირდებათ, მოხვალთ და მთხოვთ, რომ კლინიკაში მე წაგიყვანოთ? - ამ კითხვით მიმართა ჟურნალისტს სტივმა, ხოლო ჟურნალისტმა უპასუხა - „არა“. მომღერალმა დასძინა: „ამას არ მთხოვთ იმიტომ, რომ არ ვარ გამოცდილი მძღოლი, არა?“ - აღნიშნა უანდერმა.

სტივი უანდერის თქმით, ჰილარი კლინტონი პრეზიდენტობის საუკეთესო კანდიდატია.

„ მჯერა, რომ ჰილარი კლინტონი გამოცდილი ადამიანია სახელმწიფოს მმართველობაში, მან 30 წელი გაატარა ქვეყნის მთავრობაში. რომ აღარაფერი ვთქვათ იმაზე, როგორ კეთილშობილ პიროვნებად აღზარდეს ის მშობლებმა და ხალხის პატივისცემა და სიყვარული ასწავლეს. ის არის ადამიანი, რომელმაც მინდა, რომ მართოს ამერიკა და იყოს ჩვენი ერის ლიდერი“ - განაცხადა მომღერალმა.

25 გრემის მფლობელმა სტივ უანდერმა ტრამპი გააკრიტიკა პოლიტიკური ტრიბუნის ქალების, მუსლიმებისა და ლათინო-ამერიკელებისათვის შეურაცხყოფის მისაყენებლად გამოყენებისთვის.

„ეს არ არის რეალითი შოუ. ეს რეალური ცხოვრებაა. ასე რომ, მე ვარ ჰილარის გვერდით, რადგან ვიცი სად ვართ ახლა და სად წაგვიყვანს . მე ყოველთვის მიმაჩნდა, რომ ამერიკა იყო ჩვენ ახლა ის უფრო უკეთესი უნდა გავხადოთ“ - დასძინა მომღერალმა.

ამერიკა დღეს ახალ პრეზიდენტს ირჩევს. ამერიკელებს არჩევანის გაკეთება დემოკრატ ჰილარი კლინტონსა და რესპუბლიკელ დონალდ ტრამპს შორის მოუწევთ.