ერაყელმა სამხედრობმა, რომლებიც ქალაქ მოსულში შევიდნენ, ქალაქის გარეუბანში მასობრივი სამარხი აღმოაჩინეს, რომლშიც ასამდე თავმოკვეთილი ცხედარია.

როგორც სამხედროების განცხადებაშია ნთქვამი, სამარხი დასახლება ჰამამ ალ-ალიში, სკოლის ტერიტორიაზე აღმოაჩინეს. ეს ქალაქი მოსულამდე სამხრეთიდან მისასვლელ გზაზე ბოლო დასახლებული პუნქტია.

გასულ კვირას , გაეროს უმაღლესმა კომისარმა ადამიანის უფლებათა დაცვის საკითხში განაცხადა, რომ „ისლამურმა სახელმწიფო,“ მოსულიდან რამდენიმე ათეული ადამიანი გაიტაცეს და დახოცეს. ასევე ვრცელდება ინფორმაცია, რომ ისინი 10 წლამდე ბიჭებს თავიანთ რიგებში ბრძოლას აიძულებენ.

შეგახსენებთ, 17 ოქტომბერს ერაყის სამთავრობო არმიამ ტერორისტული დაჯგუფება "ისლამური სახელმწიფოსგან" ქალაქ მოსულის გათავისუფლების ოპერაცია დაიწყო. ერაყის შეიარაღებულ ძალებს აშშ-ის ხელმძღვანელობის მოქმედი საერთაშორისო კოალიცია ეხმარება და ქურთების დაჯგუფება ეხმარება.

2 ნოემბერს ერაყელი სამხედროები მოსულში შევიდნენ და ქალაქის ნაწილზე კონტროლი დაამყარეს. ტერორისტების კონტროლქვეშ კვლავ რჩება რამდენიმე პუნქტი.

ქალაქ მოსულის დაჯგუფება “ისლამური სახელმწიფოს” მებრძოლები 2014 წლის ივნისიდან აკონტროლებენ.

მოსული ერაყში ტერორისტული დაჯუფება "ისლამური სახელმწიფოს" უკანასკნელი მსხვილი დასაყრდენია. ხელისუფლების განცხადებით, მისი გათავისუფლება მთელი ქვეყნის მასშტაბით „ისლამურ სახელმწიფოზე“ გამარჯვებას ნიშნავს.

სწორედ მოსულში განაცხადა "ისლამური სახელმწიფოს" ლიდერმა აბუ ბაქრ ალ-ბაღდადმა ხალიფათის შექმნის შესახებ.

მოსულის გათავისუფლების ოპერაცია რამდენიმე თვის განმავლობაში იგეგმებოდა. ქალაქში მაცხოვრებელი ადამიანების შესახებ ზუსტი მონაცემები არ არსებობს.

ორი წლის წინ, ექსტრემისტების მიერ ქალაქის დაპყრობამდე იქ ორ მილიონზე მეტი ადამიანი ცხოვრობდა.