"ჩემი ცოლის დაქალების" 6 ნოემბრის სერია განსაკუთრებული მრავალფეროვნებით გამოირჩეოდა. მიუხედავად იმისა, რომ მაყურებელი დიდი გულისყურით აკვირდებოდა მაკას-ილოსVS შვილების სასიყვარულო ისტორიებს თუ მერაბ დარჩიას ჯერ არნაპოვნ და უკვე დაკარგულ სამსახურს, სერიის ბოლომ ჩცდ-ს ბევრისმნახველი მაყურებელი მაინც შოკში ჩააგდო. კასპში გათხოვილი ხაშურელი მთვარისა არათუ გარდაისახა, არამედ მაყურებლის წინაშე სულ სხვა სახითა და იმიჯით წარსდგა. ახალი სერიის გასვლიდან მეორე დღეს, ბობოქარი პოლიტიკური და კრიმინალური ამბების ფონზე, მთვარისას მიერ შესრულებულმა სიმღერამ თავისი აქტუალობა მაინც არ დაკარგა. მთვარისა-ლუნას როლის შემსრულებელ ქეთი ხუციშვილს უკვე უწოდეს ახალი ვარსკვლავი. მისით აღფრთოვანება განსაკუთრებით მაშინ გაიზარდა, როდესაც მაყურებელმა გაიგო, რომ სიმღერას თავად ქეთი ხუციშვილი ასრულებდა:

„ბატონო?!! Ketault Devdariani Bozhidaria ეს ალმოდოვარის ქალი ყოფილა, ნამდვილი. არ მითხრა ახლა რომ თვითონ მღერის, არ გამომა@@@ვო საბოლოოდ“- წერს რ2-ის გენერალური დირექტორი ფეისბუკზე.

„მთვარისას აღზევება“ „თვით ლელა წურწუმიასაც შეშურდება ისეთი ხმა აქვს“, „ლუნა უძახე და არ დაანთო ცეცხლი.“, „ფინალი იყო გამაოგნებელი...“- წერია მთვარისას სიმღერის ვიდეოს კომენტარებში, რომელსაც სულ რაღაც 24 საათში უკვე 240 ათასი ნახვა, 10 ათასამდე მოწონება და 4 ათასამდე გაზიარება აქვს.