რა არის სტრობინგი? ვარსკვლავების ახალი არჩევანი

ეს საინტერესოა - 16:51, 07 Nov, 2016

18297

ყოველწლიურად, სილამაზეზე ზრუნვის ახალი ტენდენციები იკვეთება.

რამდენიმე წლის წინ ძალიან აქტუალური გახდა კონტურირება, ახლა კი ის სტრობინგმა ჩაანაცვლა.

ვარსკვლავები, მაკიაჟის შერჩევისას უპირატესობას სწორედ ამ ტენდენციას ანიჭებენ.

რა არის სტრობინგი?

სტრობინგის ტექნიკა მდგომარეობს იმაში, რომ სილამაზე და ბუნებრიობა სახის "განათებით" მიიღწევა.

თუ კონტურირების დროს ჩვენ ხაზს ვუსვამთ სახის ნაკვთებს თვალის ჩრდილებისა და ბრონზერის საშუალებით, სტრობინგის დროს ცოტაოდენი გამაღიავებელი საშუალების გამოყენება მბზინავი კანის ეფექტს იძლევა.

სტრობინგი , ანუ სახის კორექციის ტექნიკა ე.წ. „ჰაილაითერის“ ან მსუბუქი მბზინავი პუდრის მეშვეობით, არ ითვალისწინებს სახის ნაკვთების ხატვას. ამ მაკიაჟის მიზანია – სწორი აქცენტების დასმა, ტუჩების ვიზუალურად გადიდება, ყვრიმალების გამოკვეთა, ცხვირის ვიზუალურად გათხელება და მეტყველი თვალების შექმნა.

თუკი მაკიაჟს თქვენ თვითონ იკეთებთ და სტრობინგს გადაწყვეტთ, ამისთვეს სახეზე მაკიაჟის ქვეშ დამატენიანებელი ფუძის წასმა მოგიწევთ. შემდეგ ღია ფერის "ჰაილაითერით" გამოკვეთეთ სახის ის ნაკვთები, რომლებიც ბუნებრივად ირუჯება მზეზე: ღაწვებისა და წარბის გასწვრივ, ცხვირის ნესტოების გასწვრივ, ზედა ტუჩის ჩაღრმავებულ ადგილას და გამოწეულ ნიკაპზე.

შედეგად, თქვენი სახე ბუნებრივი და თან მიმზიდველიც იქნება.