ოდესის პოლიციის უფროსი გია ლორთქიფანიძე თანამდებობიდან გადადგა

მსოფლიო - 11:45, 07 Nov, 2016

6894

ოდესის პოლიციის უფროსი გია ლორთქიფანიძე თანამდებობიდან გადადგა. ამის შესახებ მან ცოტა ხნის წინ სოციალური ქსელის მეშვეობით თავად გაავრცელა ვიდე მიმართვა.

"ჩემთვის უდიდესი პატივი იყო მემუშავა ოდესის ოლქის პოლიციის უფროსის თანამდებობაზე. ცხოვრებაში ყველაფერს ლოგიკური დასაწყისი, გაგრძელება და დასასრული აქვს.

ჩემი დანიშვნიდან 1.5 წლის შემდეგ, გადავწყვიტე პოსტი დავტოვო.

მინდა წარმატება ვუსურვო ყველა თანამშრომელს, რომლებთან ერთადაც რთული გზა გამოვიარე.

მე მჯერა ჩვენი ქვეყნის უკეთესი მომავლის! დიდება უკრაინას!"- წერს ლორთქიფანიძე სოციალურ ქსელში.

როგორც ცნობილია, საქართველოს შს მინისტრის ყოფილ მოადგილეს გიორგი ლორთქიფანიძეს წინასწარი პატიმრობა სასამართლომ სექტემბერში შეუფარდა.

მოსამართლის გადაწყვეტილებით, ლორთქიფანიძისთვის აღკვეთის ღონისძიების სახით, შეფარდებული პატიმრობის ვადის ათვლა, ბრალდებულის დაკავების მომენტიდან დაიწყება.

უწყების მიერ გავრცელებულ განცხადებაში ნათქვამია, რომ ოდესის ოლქის პოლიციის მოქმედ მაღალჩინოსანს სამსახურეობრივი უფლებამოსილების გადამეტებას ედავებიან.

გამოძიების ინფორმაციით, 2011 წლის 26 მაისს, რუსთაველის გამზირზე შეკრებილი მომიტინგეების დარბევა და მათი მასობრივი დაკავება, შს ყოფილი მინისტრის ივანე მერაბიშვილის ბრძანებით დაევალა მის მოადგილეს გიორგი ლორთქიფანიძეს.