ნევადის შტატის ქალაქ რენოში, ამომრჩეველთან შეხვედრის დროს, მოულოდნელად სცენაზე უსაფრთხოების სამსახურის თანამშრომლები გამოვიდნენ და დონალდ ტრამპი კულისებში გაიყვანეს.

ტრამპი სცენაზე ათიოდე წუთის შემდეგ დაბრუნდა და დაცვის თანამშრომლებს მადლობა გადაუხადა.

როგორც აღმოჩნდა ტრამპის გამოსვლის დროს თეთრკანიანი მამაკაცი სცენას მიუახლოვდა და სიტყვა "იარაღი" დაიძახა. დარბაზში ჩატარებული ძიების შემდეგ იარაღი არავის აღმოაჩნდა. მამაკაცი დაკავებულია და პოლიცია მისი საქციელის მოტივაციას ადგენს.