აშშ საარჩევნო სისტემის უცნაურობები - ტრამპს პრეზიდენტობისთვის... ფრეც ყოფნის

მსოფლიო - 15:39, 05 Nov, 2016

8896

აშშ-ს პოლიტექპერტების განცხადებით. ჰილარი კლინტონი, რომელიც ბოლო პერიოდამდე ლიდერობდა საპრეზიდენტო მარათონში, ამჟამად გარკვეულ შტატებში პოზიციებს კარგავს, რამაც შეიძლება კურიოზულ შედეგამდე მიგვიყვანოს.

პრობლემა ამერიკული საპრეზიდენტო არჩევნების საარჩევნო სისტემაშია. ამერიკელები ხმას აძლევენ არა კონკრეტულ კანდიდატს, არამედ თითოეული შტატი ირჩევს ე.წ. ხმოსანთა კოლეგიის წევრებს, რომელთა რაოდენობაც შტატის მოსახლეობაზეა დამოკიდებული. ხმოსათა რიცხვი 538-ია და გამარჯვებისთვის კანდიდატს მინიმუმ 270 ხმა სჭირდება.

ანტიტრამპისტულ გაზეთ Washington Post-ის მიმომხილველი ფილიპ ბამპი წერს, რომ არჩევნები ამ კვირის სამშაბათს რომ ჩატარებულიყო, პრეზიდენტი აუცილებლად კლინტონი გახდებოდა - მას გამოკითხვების თანახმად ამჟამად ამომრჩეველთა კოლეგიაში 8 ხმოსნით მეტი ჰყავს.

თუმცა, 8 ნოემბრისთვის შეიძლება სიტუაცია შეიცვალოს და ერთერთი პატარა შტატი, რომელსაც 4 ხმოსანი ჰყავს ამომრჩეველთა კოლეგიაში ტრამპის მხარეს გადავიდეს. ამ შემთხვევაში ორივე კანდიდატი 269-269 ხმოსანს აგროვებს და არჩევნები ასე ვთქვათ ფრედ მთავრდება.

ამ, ერთი შეხედვით კურიოზულ, თუმცა, დღევანდელი ვითარებისთვის საკმაოდ რეალურ, შემთხვევაში, არჩევნების ბედის გადაწყვეტაში, კონსტიტუციის თანახმად, აშშ-ს კონგრესი ერთვება - კონგრესის ზედა პალატა ირჩევს პრეზიდენტს, ხოლო ქვედა პალატა ვიცე-პრეზიდენტს.

შეგახსენებთ, რომ პრეზიდენტის არჩევნების პარალელურად აშშ-ში 2 წელიწადში ერთხელ იმართება კონგრესის წევრთა 1/3 გადარჩევები. დღეისათვის ზედა პალატაში რესპუბლიკელებს დიდი უპირატესობა გააჩნიათ და მიუხედავად შესაძლო მარცხისა, მაინც ინარჩუნებენ უმრავლესობას. შესაბამისად პრეზიდენტი ტრამპი ხდება. თუმცა უცნაურობები აქ არ მთავრდება - რესპუბლიკელ პრეზიდენტ ტრამპს შესაძლოა ვიცე-პრეზიდენტი დემოკრატი ყავდეს. საქმე იმაშია, რომ გამოკითხვების თანახმად, ქვედა პალატაში რესპუბლიკელები კარგავენ უმრავლესობას და შესაძლოა ვიცე-პრეზიდენტი დემოკრატი ტიმოთი კეინი გახდეს...

დასასრულს, შეგახსენებთ 2000 წლის საპრეზიდენტო არჩევნების უცნაურ შედეგსაც: ჯორჯ ბუშმა არჩევნებში 50455156 ხმა მიიღო, თუმცა, დიდ შტატებში გამარჯვების გამო ამომრჩეველთა კოლეგიაში 271 ხმოსანი მოიპოვა, ალბერტ გორმა კი, რომელმაც მასზე მეტი - 50 992 335 ხმა მიიღო, კოლეგიაში 269 ხმოსანი მოიპოვა და არჩევნებში დამარცხდა.