თურქეთში Twitter-ი, Facebook-ი და WhatsApp-ი დაბლოკეს

მსოფლიო - 10:44, 05 Nov, 2016

11105

თურქეთში სოციალური ქსელები Twitter-ი, Facebook-ი და WhatsApp-ი დაბლოკეს. ამის შესახებ დასავლური მედია ადგილობრივ სააგენტოებზე დაყრდნობით იტყობინება.

არსებული ცნობით, უპირველეს ყოვლისა დაიბლოკა სოციალური ქსელების მობილური აპლიკაციები.

შეგახსენებთ, სოციალური ქსელების დაბლოკვის პარალელურად , თურქეთში პროქურთული ოპოზიციური პარტიის „ხალხთა დემოკრატიის პარტიის" ორი თანათავმჯდომარე სელაჰათინ დემირთაში და ფიგენ იუკსეგდაგი დააკავეს. როგორც ადგილობრივი მედია იტყობინება, მათთან ერთად დაკავებულია 11 დეპუტატი.
სელაჰათინ დემირთაში, ომელიც 2014 წლის არჩევნებისას პრეზიდენტად იყრიდა კენჭს, სამართალდამცავებმა საკუთარ სახლში აიყვანეს.
ადგილობრივი პრესა წერს, რომ პოლიტიკოსები ტერორიზმთან დაკავშირებული გამოძიების ფარგლებში დააკავეს.

„ხალხთა დემოკრატიის პარტია“ მემარცხენე პოლიტიკური ძალაა, რომელიც თურქეთში მცხოვრები ეროვნული უმცირესობების უფლებებს იცავს.

დეპუტატების დაკავება მას შემდეგ გახდა შესაძლებელია, რაც მიმდინარე წლის ზაფხულში თურქეთის პრეზიდენტმა საკონსტიტუციო ცვლილებების კანონპროექტს ხელი მოაწერა, რაც პარლამენტის წევრებისთვის პროკურატურის მოთხოვნით იმუნიტეტის გაუქმებას ითვალისწინებს.