დიდი ბრიტანეთის მთავრობა "ბრექსითის" პორცედურას პარლამენტის თანხმობის გარეშე ვერ დაიწყებს

დიდი ბრიტანეთის მთავრობა "ბრექსითის" პორცედურას პარლამენტის თანხმობის გარეშე ვერ დაიწყებს - უზენაესი სასამართლო

მსოფლიო - 15:38, 03 Nov, 2016

1570

ბრიტანეთის უზენაესი სასამართლოს გადაწყვეტილებით, გაერთიანებული სამეფოს ხელისუფლება ლისაბონის ხელშეკრულების 50-ე მუხლს, პარლამენტის თანხმობის გარეშე ვერ აამოქმედებს, რაც იმას ნიშნავს, რომ “ბრექსითის” პროცედურას დამოუკიდებლად ვერ დაიწყებს.

უკვე ცნობილია, რომ ტერეზა მეის მთავრობა უმაღლესი სასამართლოს გადაწყვეტილების გაასაჩივრებს. როგორც მოსალოდნელია აპელაციის განხილვა დეკემბრის დასაწყისში გაიმართება.

პრემიერ-მინისტრი ტერეზა მეი აცხადებდა, რომ ევროკავშირიდან დიდი ბრიტანეთის გასვლის პროცედურას არაუგვიანეს 2017 წლის მარტისა დაიწყებს.

შეგახსენებთ, გაერთიანებულ სამეფოში რეფერენდუმი მიმიდინარე წლის 23 ივნისს ჩატარდა. ამომრჩეველთა 51,9%-მა ქვეყნის ევროკავშირიდან გასვლას დაუჭირა მხარი, 48,1 % წინააღმდეგი იყო.

ლონდონსა და შოტლანდიაში, ასევე ჩრდილოეთ ირლანდიაში ხმა ევროკავშირში დარჩენის სასარგებლოდ მისცეს, თუმცა უელსსა და ინგლისის საგრაფოებში ევროკავშირიდან გასვლას დაუჭირეს მხარი.

რეფერენდუმის შედეგების გამოცხადებისთანავე დიდი ბრიტანეთის პრემიერ-მინისტრმა დევიდ ქემერონმა თანამდებობა დატოვა. მისი თქმით, არასწორი იქნება, დარჩეს “გემის კაპიტნად” მაშინ, როდესაც დიდი ბრიტანეთის მოსახლეობამ სხვა გზა აირჩია.