ტეილორ სვიფტი ყველაზე მაღალანაზღაურებად მომღერლად რჩება

ტეილორ სვიფტი ყველაზე მაღალანაზღაურებად მომღერლად რჩება - Forbs-მა რეიტინგი გამოაქვეყნა

ეს საინტერესოა - 15:06, 03 Nov, 2016

2228

ჟურნალმა "ფორბსმა" 2016 წლის ყველაზე მაღალანაზღაურებადი მომღერალი ქალები დაასახელა. ალბათ არავის გაკვირვებია, სიის სათავეში 26 წლის პოპ-ვარსკვლავი, ტეილორ სვიფტია, რომელმაც მიმდინარე წელს 171 მილიონი დოლარი გამოიმუშავა. მოგების მნიშვნელოვანი ნაწილი მან საკონცერტო ტურნე 1989-ისგან მიიღო. გარდა ამისა, ტეილორ სვიფტმა ცნობილ Keds, Apple და Diet Coke-თან გააფორმა კონტრაქტები, რომელთა სარეკლამო კამპანიებისგან მნიშვნელოვანი შემოსავალი მიიღო.

მეორე ადგილზე 80.5 მილიონი დოლარით, 28 წლის ბრიტანელი მომღერალი ადელი გავიდა. მესამე ადგილზე კი 76, 5 მილიონო დოლარით მადონა აღმოჩნდა. მეოთხე ადგილს დასჯერდა რიანა , რომელმაც 2016 წელს 76 მილიონი დოლარი გამოიმუშავა. სიაში მეხუთე პოზიციას ბიონსე იკავებს.

ყველაზე მაღალანაზღაურებადი მომღერალი ქალების სიაში მე-6 ადგილზე გავიდა კეტი პერი, მე-7 - ჯენიფერ ლოპესი, მე-8 ბრიტნი სპირსი, მე-9 - შანაია ტვეინი და მე-10 ზე სელინ დიონი.

აღსანიშნავია, რომ მიმდინარე წლის სექტემბერში "ფორბსმა" ყველაზე მაღალანაზრაურებადი მომღერლების რეიტინგიც გამოაქვენა, რომელშიც ტეილორ სვიფტი ლიდერობდა.