როგორც "ნიუპოსტის" ჟურნალისტი იტყობინება, სპეცრაზმის წარმომადგენლებმა, საერთო ჯამში, 6 ადამიანი აიყვანეს. მათი აყვანა დღისით-მზისით, რაიონის ცენტრში, ხელების გადაგრეხვითა და ასფალტზე დაწვენით ჩატარდა

დაკავებულებს ჩხრეკა ჩაუტარეს, შემდეგ კი ნარკოლოგიურ დისპანსერში, შესამოწმებლად გადაიყვანეს. ერთ-ერთი ვერსიით, შსს ზემოთხსენებულ პირებზე სატელეფონო მოსმენების შედეგად გავიდა.

მოგვიანებით შსს იძულებული გახდა, დაკავებული პირებიდან 5 გაეთავისუფლებინა, რომლებსაც ნარკოტიკული საშუალების მიღების ფაქტი არ დაუდგინდათ. დაკავებულთაგან ეღთი, ირაკლი ცანავა, რომელიც ქურდული სამყაროს მიმდევრობას აღიარებს, ამ დროისთვის დაკავებულია და თბილისში გადაჰყავთ.

შსს-ს მხრიდან მარტვილში სპეცოპერაციის ჩატარება, სავარაუდოდ, რაიონში გართულებულ კრიმინალურ სიტუაციას უკავშირდება. ბოლო პერიოდის განმავლობაში მარტვილში განსაკუთრებით გახშირდა ქურდობისა და ძარცვის შემთხვევები, მოხდა რამდენიმე ყაჩაღობაც. გაზრდილია ნარკოდანაშაულის მაჩვენებელიც.