აშშ-ს პრეზიდენტობის კანდიდატი დემოკრატიული პარტიიდან ჰილარი კლინტონი უკმაყოფილებას გამოთქვამს საპრეზიდენტო არჩევნებამდე 10 დღით ადრე, FBI-ის მიერ მისი პირადი მიმოწერის საქმის გამოძიების განახლების გამო. საქმე ეხება კლინტონის მიერ საიდუმლო მასალების პირადი ფოსტით გაგზავნას.

იგი უცნაურად მიიჩნევს იმ ფაქტს, რომ FBI-იმ სწორედ ახლა განაცხადა ამ საქმეში ახალი სამხილების არსებობის შესახებ.

"უცნაურია, რომ ამგვარი განცხადებები ახლა, არჩევნების წინ კეთდება და თანაც დეტალები არ საჯაროვდება. ეს არამარტო უცნაურია, არამედ შეშფოთებასაც იწვევს. ამომრჩევლებმა ყევლაფერი უნდა იცოდნენ. მე მოვუწოდებ ჯეიმს კომის ყველაფერი თქვას," - განაცხადა კლინტონმა ამომრჩევლებთან შეხვედრის დროს.