საიდუმლოს ფარდა აეხადა - "ხელოვნური სუნთქვის" ემოციური ეპიზოდი, რომელმაც მაყურებელი აღაფრთოვანა

ეს საინტერესოა - 14:12, 28 Oct, 2016

41488

„ხელოვნური სუნთქვის“ მეორე სეზონის მე-14 სერიამ მაყურებელში განსაკუთრებული ემოციები გამოიწვია, ამ სერიაში ერთმანეთის პირისპირ ის ადამიანები აღმოჩნდნენ, რომელთა შეხვედრასაც მაყურებელი განსაკუთრებული ინტერესით ელოდა. სასაფლაოზე შოთას და რეზის შეხვედის სცენამ გულგრილი არც ის ადამიანები დატოვა, რომლებიც ამ სერიალს ჯერ კიდევ ეჭვის თვალით უყურებდნენ.

მე-14 სერიას სახელწოდებაც შესაბამისი ქონდა- „სულთათანა“. სერიის განმავლობაში თითქმის მთელი მოქმედება სასაფლაოზე მიმდინარეობს, სადაც სერიალის ყველაზე ტრაგიკული პერსონაჟი - ნუცაა დასაფლავებული, მის საფლავთან კი მისი ცხოვრების ორი მამაკაცი ხან ჩხუბობს, ხან ერთნმანეთს ლანძღავს, ხან ერთმანეთს გულს უშლის და ბოლოს სასოწარკვეთილებაში ჩავარდნილები ერთად სვამენ კიდეც. სწორედ სასაფლაოზე დაისმევა ის კითხვა, რომელიც მაყურებელს იმ დღიდან აწუხებს, რაც ნუცას სიყვარულის ამბავი გახდა ცნობილი, რატომ დაარქვა ნუცამ შვილს ის სახელი, რომელიც მის პირველ შეყვარებულს მოსწონდა, კითხვა უპასუხოდ რჩება, თუმცა თავად რეზი ადასტურებს რომ მელანო ნამდვილად შოთას შვილია.

საბოლოოდ სასაფლაოზე მელანოც მოდის, ყველაზე შთამბეჭდავი კადრი სწორედ ამ მომენტში ჩნდება, ნუცას საიდუმლო, მის საფლავთან თავს მოუყრის მისთვის 3 ყველაზე მნიშვნელოვან ადამიანს. საიდუმლოს ამოხსნასთან ყველაზე ახლოს კი მისი შვილია, მელანო, რომელმაც დედის დღიური წაიკითხა:

" - ჩემი ცოლი თვალებში მიყურებდა და მეუბნებოდა მიყვარხარო, და ამ დროს გვტოვებდა, მე და ჩემს შვილს, შენს გამო?!"

" - მეც მიყვარდა ჩემი ცოლი.

- და მე ახლაც მიყვარს! მისი სიკვდილით მეც მომკლა, მაგრამ მაინც მიყვარს. შეიძლება თავისი სიკვდილით შენც გადაგარჩინა.. ეს ამბავი რომ გაგეგო, ალბათ მოკლავდი, არა?"

" - ვერ აღიარებ, მაგრამ გირჩევნია შენი ცოლი მკვდარი იყოს, ვიდრე ჩემთან ერთად იყოს ახლა ცოცხალი, ბედნიერი, ლაღი, და ლამაზი! მე მირჩევნია შენთან იყოს, ოღონდ ცოცხალი იყოს."

" -დალევა მინდა ძალიან.

- მოვიტან."

" - მართლა არ მეგონა თუ მკვდარზე მონატრების გარდა ამდენი გრძნობა შეიძლება გაგიჩნდეს... " „ საყვარელი ადამიანის საფლავთან ვსხედვართ.. მხოლოდ ის გვაინტერესებს, ჩვენ ვიყოთ კარგად, და ჩვენი სინდისი იყოს დამშვიდებული.."