პუტინმა "ბირთვული იარაღის ჟღარუნს" მავნე რიტორიკა უწოდა

მსოფლიო - 11:03, 28 Oct, 2016

3151

რუსეთის პრეზიდენტმა ვლადიმერ პუტინმა დაუშვებელი უწოდა იმ სიტუაციას, როდესაც ქვეყნები ერთმანეთს ატომური იარაღით ემუქრებიან, თუმცა დასძინა, რომ ატომური იარაღი წარმოადგენს გლობალური მშვიდობისა და უსაფრთხოების უზრუნველყოფის ფაქტორს.

“ატომური იარაღის ჟღარუნი - ყველაზე უკანასკნელი საქმეა. ეს მავნე რიტორიკაა და მე ამას არ მივესალმები, მაგრამ უნდა გავითვალისწინოთ რეალობა, რომ ბირთვული იარაღი წარმოადგენს შემაკავებელ საშუალებას და მშვიდობისა და უსაფრთხოების უზრუნველყოფის ფაქტორს მთელ მსოფლიოში“- განაცხადა პუტინმა სოჭში, კლუბ „ვალდაის“ მიერ გამართული დისკუსიისას.

პუტინის თქმით, ყველა ბირთვულმა ქვეყანამ პატივი უნდა სცეს ამ იარაღის გამოუყენებლობის რეჟიმს და რუსეთი მოწოდებულია ეს მიდგომა დაიცვას.

შეგახსენებთ ოქტომბრის თვეში ბრიტანულმა გაზეთმა Times-მა დაწერა, რომ რუსეთი თავის მოქალაქეებს აშინებს იმით, რომ დასავლეთმა შესაძლოა მათზე ბირთვული დარტყმა განახორციელოს. სტატია ეხებოდა ტელეარხ "Звезда"-ს საიტზე გამოქვეყნებულ პუბლიკაციას, სადაც ეწერა, რომ ვაშინგტონს სურს მოსკოვი ახლო აღმოსავლეთში ჩადენილი ქმედებების გამო დასაჯოს და იმისთვისაც კი მზადაა რომ მათ დასასჯელად ბირთვული დარტყმა გამოიყენოს.

BBC-ის ინფორმაციით, 5 ოქტომბერს ცნობილი გახდა, რომ რუსეთმა ბირთვულ და ენერგეტიკულ სფეროებში სამეცნიერო კვლევებში აშშ-სთან თანამშრომლობა შეწყვიტა