„ეს ტრაგედიაა. ეს ძალადობაა და თუკი ეს ყველაფერი მიზანმიმართულად განხორციელდა, სამხედრო დანაშაულია“ - ნათქვამია UNICEF-ის აღამსრულებელი დირექტორის ანტონი ლეიკის განცხადებაში, რომელიც ორგანიზაციის ვებგვერდზე გამოქვეყნდა.
ლეიკის თქმით, ეს თავდასხმა შესაძლოა, ყვეალზე სისხლიანი აღმოჩნდეს სირიის ომის განმავლობაში.
იდლიბში, სოფელ ჰასზე განხორციელებული ავიადარტყმის შესახებ პირველად სირიის სამოქალაქო თავდაცის აქტივისტებმა განაცხადეს. მათი თქმით, ავიადარტყმას 22 ადამიანი ემსხვერპლა, ხოლო დაშავდა 50-ზე მეტი ადამიანი.
გაეროში რუსეთის მუდმივმა წარმომადგენელმა ვიტალი ჩურკინმა იდლიბის სკოლაზ განხორციელებულ იერიშს „საშინელება“ უწოდა.
„იმედი მაქვს აქ ჩვენ არაფერ შუაში ვართ. ჩემთვის ადვილი სათქმელია „არა“, მაგრამ მე პასუხისმგებლიანი ადამიანი ვარ. უნდა ვიცოდე, რის თქმას აპირებს ჩვენი თავდაცვის სამინისტრო“ - განაცხადა ჩურკინმა.


მასალის გამოყენების პირობები






