დემნა და გურამ გვასალიებს British Fashion Awards-ის ჯილდოს მოგების შანსი აქვთ

შოუ ბიზნესი - 13:45, 26 Oct, 2016

7578

წლევანდელი British Fashion Awards-ი განსაკუთრებით საინტერესოა ქართველი საზოგადოებისთვის. ისტორიაში პირველად, ქართველ ძმებს დემნა და გურამ გვასალიებს შანსი აქვთ ბრიტანეთის მოდის დაჯილდოების ისტორიაში, ორ საერთაშორისო კატეგორიაში გაიმარჯვონ, როგორც არაბრიტანელებმა.

დემნასა და გურამის ბრენდი Vetements წარდგენილია ნომინაციაში წლის ურბანული ბრენდი. დემნა გვასალია წარდგენილია ნომინაციაში წლის საერთაშორისო დიზაინერი. გურამ გვასალია წარდგენილია ნომინაციაში წლის საერთაშორისო ბიზნეს ლიდერი.

ბრიტანეთის მოდის დაჯილდოება 5 დეკემბერს გაიმართება.

თუკი გავითვალისწინებთ წლევანდელი მოდის კვირეულებზე გვასალიების ბრენდის კოლექციის გამოხმაურებებს , ქართველ ძმებს ევროპაში ყველაზე პრესტიჟული ჯილდოს მოგების რეალური შანსი აქვთ.

გარდა ამისა, The Business of Fashion - მა 2016 წლის #BOF500 გამოაქვეყნა - ადამიანები, რომლებიც ქმნიან, ცვლიან მოდას, გავლენას ახდენენ ინდუსტრიაზე. რეიტინგში დემნა და გურამ გვასალიებიც მოხვდნენ.

დემნა და გურამ გვასალიებს მსოფლიო მოდის ინდუსტიაში კარგად იცნობენ. დემნას არაორდინალური კოლექციები მუდმივად განხილვის და აღფრთოვანების საგანია. მოდის კრიტიკოსები დემნას მოდის სფეროში გარდამტეხ დიაზინერს უწოდებენ. ახალი კოლექციების წარგდენის შემდეგ კი ვოგის გავლენიანი გამოცემების ფურცლებზეა.

ქართველებისთვის მისი კოლექცია ხშირად ღიმილისმომგვრელია, რადგან მარტივად აღმოაჩენთ 90-იანი წლების დეტალებს.

დემნა გვასალია „ბალენსიაგას“ კრეატიული დირექტორი 2015 წლის ნოემბერში გახდა. პარალელურად, ის განაგრძობს ბრენდ Vetements-ის კოლექციის შექმნას. Vetements-ის სათავეში დემნასთან ერთად მისი ძმა გურამ გვასალია დგას. მათი სახასიათო ნიშანი დიდი ზომის სამოსი, ყვავილების პრინტებიანი კაბები და გადაკეთებული ჯინსებია. გვასალია რვა წლის განმავლობაში Margiela-ს კულისებში მუშაობდა. თანამშრომლობდა "ლუი ვიტონთანაც." დემნა გვასალიას მეისონ მარტინი მარჯიელას "სულიერ შვილს" უწოდებდა. გამოცემა, businessoffashion.com კი მას ვუნდერკინდ ქართველ დიზაინერს უწოდებს.

წლევანდელი British Fashion Awards-ის ნომინაციები ასე გამოიყურება: