ფეთჰულა გიულენის დანაშაულის დასამტკიცებლად თურქეთი აშშ-ს დამატებით მტკიცებულებებს გადასცემს

მსოფლიო - 13:39, 25 Oct, 2016

2476

ფეთჰულა გიულენის სამხედრო გადატრიალების მცდელობასთან კავშირის დასამტკიცებლად, თურქეთი აშშ-ს დამატებით მტკიცებულებებს გადასცემს.

როგორც სააგენტო „ანადოლუ“ იტყობინება, ამ მიზნით თურქეთის იუსტიციის მინისტრი ბექირ ბოზდაგი დღეს აშშ-ში გაემგზავრება, სადაც ამერიკელ მაღალჩინოსნებთან შეხვედრებს გამართავს.

შეგახსენებთ, 15 ივლისის ღამეს, თურქეთში მომხდარი სამხედრო ამბოხის ორგანიზატორად , ანკარა პრეზიდენტ ერდოღანის ოპოზოციონერ , სასულიერი პირს ფეთჰულა გიულენს ამბოხის ორგანიზატორად ასახელებს და ვაშინგტონისგან მის ექსტრადირებას ითხოვს. ოფიციალური ვაშინგტონი თავისმხრივ აცხადებს, რომ მზად არის გიულენი თურქეთს გადასცეს, თუკი ოფიციალური ანკარა მისი დანაშაულის მტკიცებულებებს წარადგენს.
თავად გიულენი კი სამხედრო გადატრიალების მცდელობასთან კავშირს უარყოფს.

ფეთჰულა გიულენი 1999 წლიდან პენსილვანიაში ცხოვრობს.

სამხედრო გადატრიალების მოწყობის მცდელობას 230 ადამიანი ემსხვერპლა, მათი უმრავლესობა თავად სამხედროა.

15 ივლისის შემდეგ სამსახურიდან დაითხოვეს ათასობით სამხედრო, მოსამართლე, პოლიციელი, მასწავლებელი. დაიხურა რამდენიმე მედიასაშუალებაც.

გიულენთან კავშირის გამო დააკავეს მისი ძმა, ძმისშვილი და რძალიც.