გაეროს ექსპერტები, სირიის არმიის მიერ ქიმიური იარაღის გამოყენების კიდევ ერთი შემთხვევის შესახებ საუბრობენ.

ორგანიზაციის განცხადებით, სირიელმა სამხედროებმა ქიმიური იარაღი იდლიბის პროვინციაში, კამინასის დასახლებულ პუნქტში, 2015 წლის 16 მარტს გამოიყენეს.

ამის შესახებ ორგანიზაციის ახალ ანგარიშშია საუბარი, რომელიც 13 თვის განმავლობაში მზადდებოდა.

დოკუმენტში აღნიშნულია, რომ ექსპერტებმა ვერ შეძლეს დაედგინათ პასუხისმგებელი პირები, 2015 წელს სოფელ ბინიშსა და 2014 წელს ჰამას პროვინციაში ქიმიური იარაღის გამოყენებაზე.

საერთაშორისო ექსპეტებმა ადრე 3 ანგარიშიც წარადგინეს, რომლითაც 2014 წლის 12 აპრილსა და 2015 წლის 16 მარტს სირიელი სამხედროების მიერ ქიმიური იარაღის გამოყენებაზე იტყობინებოდნენ. მათივე ცნობით, ქიმიურ იარაღს რადიკალური ექსტრემისტული დაჯგუფება „ისლამური სახელმწიფოც“ იყენებს.