ჰილარი კლინტონმა და დონალდ ტრამპმა ბოლო სატელევიზიო დებატები გამართეს

მსოფლიო - 16:21, 20 Oct, 2016

2540

აშშ-ის პრეზიდენტობის კანდიდატებმა "დემოკრატმა" ჰილარი კლინტონმა და "რესპუბლიკელმა" დონალდ ტრამპმა არჩევნებამდე ლას-ვეგასში მესამე და უკანასკნელი სატელევიზიო დებატები გამართეს. დებატების დროს რესპუბლიკელმა და დემოკრატმა კანდიდატებმა ვლადიმერ პუტინზე, აბორტების უფლებასა და იარაღის ტარების უფლებაზე იკამათეს.

დებატების დროს კანდიდატებმა რუსეთთან ურთიერთობების თემაზეც ისაუბრეს. ტრამპის შენიშვნაზე, რომ ვლადიმერ პუტინი ჰილარი კლინტონს „პატივს არ სცემს“, კლინტონმა განაცხადა, რომ რუსეთის ლიდერს სურს, რომ აშშ-ის პრეზიდენტის პოსტი მისმა მარიონეტმა დაიკავოს.
საპასუხოდ ტრამპმა განაცხადა, რომ მარიონეტი თავად კლინტონია და იქვე დასძინა, რომ ის პუტინის მარიონეტი არ იქნება.

კანდიდატებმა მწვავე დებატები გამართეს აბორტის საკითხზეც.

ჰილარი კლინტონმა პირობა დადო, რომ აბორტის უფლებას დაიცავდა. ტრამპმა კი აღნიშნა,რომ მისი გამარჯვების შემთხვევაში, უზენაესი სასამართლო აბორტების ლეგალიზაციის შესახებ გადაწყვეტილებას გააუქმებს.

როდესაც ჰილარი კლინტონი, ბოლო 30 წლის განმავლობაში თავის მიღწევებზე საუბრობდა, ტრამპმა განაცხადა, რომ დაჯგუფება „ისლამური სახელმწიფოს“ გამოჩენა სწორედ ჰილარი კლინტონის დამსახურებაა.

ჰილარი კლინტონმა პირობა დადო, რომ ქალთა და სექსუალური უმცირესობის უფლებას უფლებებს დაიცვას.

ტრამპმა თავისმხრივ განაცხადა, რომ ის დაიცვას კონსტიტუციის მეორე შესწორებას იარაღის ტარების უფლების შესახებ.

ჰილარი კლინტონი მიიჩნევს, რომ იარაღის მფლობელობაზე კონტროლის გამკაცრება აღნიშნულ შესწორებას არ ეწინააღმდეგება. ის იარაღის მფლობელების უფრო საფუძვლიანი შემოწმების ინიციატივით გამოდის.

აღსანიშნავია, რომ არც დებატების დასაწყისში და არც დასრულების შემდეგ კლინტონსა და ტრამპს ერთმანეთისთვის ხელი არ ჩამოურთმევიათ.

აშშ-ში საპრეზიდენტო არჩევნები 8 ნოემბერს გაიმართება.