გერმანიაში უკრაინის კრიზისის საკითხზე "ნორმანდიული ოთხეულის" შეხვედრა გაიმართა.

საფრანგეთის, გერმანიის, უკრაინისა და რუსეთის ლიდერები ცეცხლის შეწყვეტის შეთანხმების მისაღწევად, სამოქმედო გეგმის - "საგზაო რუკის" შემუშავებაზე შეთანხმდნენ.

უკრაინის პრეზიდენტის, პეტრო პოროშენკოს თქმით, რუსეთი დათანხმდა პრორუსი სეპარატისტების ფრონტის ხაზიდან 4 დამატებითი პოზიციიდან გაყვანას და მონიტორინგისთვის რეგიონში ეუთოს მისიის შეიარაღებული ჯგუფების შეყვანას.

უკრაინის პრეზიდენტის განცხადებით, "საგზო რუკის" შემუშავება და რატიფიცირება მხარეების მიერ ნოემბრის ბოლომდე იგეგმება

გერმანიისა და საფრანგეთის პირველმა პირებმა შეხვედრა დადებითად შეაფასეს, თუმცა მიიჩნევენ რომ სამოქმედო გეგმის შესრულება მარტივი არ იქნება.

"ნორმანდიული ოთხეულის" შეხვედრა უკრაინის კრიზისის მოსაგვარებლა დ პერიოდულად იმართება. აგვისტოს თვეში, აღვინშნულ შევხედრას პუტინმა "აზრს მოკლებული" უწოდა.

ეს ბოლო ერთი წლის განმავლობაში ნორმანდიულ ფორმატში ოთხი ქვეყნის ლიდერის პირველი შეხვედრა იყო.

ყოველი შეხვედრის შემდეგ, ფორმატის მონაწილეები აცხადებენ, რომ უკრაინის კონფლიქტის მოსაგვარებლად მინსკის ხელშეკრულების სრული შესრულებაა საჭირო.