გაეროს კეთილი ნების ელჩის სტატუსის ჩამორთმევა - ლეონარდო დიკაპრიო ბრალდებებს პასუხობს

ეს საინტერესოა - 18:02, 19 Oct, 2016

6702

რამდენიმე დღის წინ, მედიაში ინფორმაცია გავრცელდა, რომ შვეიცარიული ეკოლოგიური ფონდი ოსკაროსანი მსახიობის ლეონარდო დიკაპრიოსთვის გაეროს კეთილი ნების ელჩის სტატუსის ჩამორთმევის ინიციატივით გამოვიდა. საქმე ეხება მარტინ სკორსეზეს ფილმის უოლ სტრიტის მგლის დაფინანსებას.

Bruno Manser Fund-ი მსახიობს და საპროდიუსერო კომპანია Red Granite-ს მალაიზიური საინვესტიციო ფონდის ძარცვასთან კავშირში ადანაშაულებენ. შვეიცარიელები აცხადებენ, რომ მსახიობი და ფილმის ავტორები უშუალოდ იყვნენ დაკავშირებული ამ საქმესთან და ფილმის გადასაღებად ფინანსები, უკანონოდ მოიპოვეს.

გავრცელებული ცნობით, აშშ-ის იუსტიციის დეპარტამენტი აღნიშნული საქმის გამოძიებით დაინტერესდა.

თავად კინოსტუდიაც და ლეონარდო დიკაპრიოს წარმომადგენლებიც აცხადებენ, რომ კანონი არ დაურღვევიათ.

ლეონარდო დიკაპრიო აღნიშნულ ბრალდებას საკუთარი საქველმოქმედო ფონდის „ლეონარდო დიკაპრიოს ფონდის“ მეშვეობით გამოეხმაურა.

„როდესაც რამდენიმე თვის წინ ლეონარდო დიკაპრიომ ფილმ The Wolf of Wall Street-ის წარმოებაში დაკავშირებული კომპანიის ხელმძღვანელების საქმიანობის შესახებ გაიგო, საკუთარი წარმომადგენლების მეშვეობით სასწრაფოდ მიმართა იუსტიციის სამინისტროს, რათა დადგინდეს, მიიღო თუ არა მისმა ფონდმა პირდაპირი ან არაპირდაპირი შემოწირულობა აღნიშნულ ბრალდებებთან კავშირში. იმ შემთხვევაში, თუკი რაიმე მსგავსი აღმოჩნდება, მზად არის რაც შეიძლება მალე დააბრუნოს.

აღნიშნულ ბრალდებაზე კომენტარი გააკეთა გაეროს ოფიციალურმა წარმომადგენელმა სტეფან დურაკმაც. მისი თქმით, ლეონარდი დიკაპრიო კვლავაც რჩება კეთილი ნების ელჩად კლიმატის საკითხებში.

ბარაკ ობამა კლიმატის ცვლილების საკითხს დიდ ყურადღებას უთმობს. გარემოს დაცვაზე ზრუნვით გამოირჩევა ორკაროსანი მსახიობიც, რომელსაც საკუთარი ფონდი აქვს დაარსებული და ცნობილი გახდა, რომ კლიმატის ცვლილებაზე ფილმიც გადაიღო, რომლის პრემიერაც ობამასთან შეხვედრის შემდეგ იყო დაგეგმილი.