პოეტი და მომღერალი, უკვე ლიტერატურის დარგში ნობელის პრემიის ლაურეატი კომიტეტის ზარებს არ პასუხობს.
აკადემიის მუდმივი მდივნის, სარა დანიუსის განცხადებით, მრავალი მცდელობის მიუხედავად ბობ დინალი ზარებს არ პასუხობს და კომიტეტმა უკვე მასთან დაკავშირება შეწყვიტა.
"ჩვენ ახლა აღარაფერს ვაკეთებთ“ - განაცხადა მდივანმა.
უცნობია, დაესწრება თუ არა ბობ დილანი 10 დეკემბერს სტოკჰოლმში დაგეგმილ დაჯილდოების ცერემონიალს.
დანიუსმა დაადასტურა, რომ პრიზი კვლავ დილანს ეკუთვნის:
"თუ არ მოსვლა უნდა, ნუ მოვა. ნებისმიერ შემთხვევაში, ეს მის პატივსაცემად მოწყობილი დიდი წვეულება იქნება“ - განაცხადა დანიუსმა.
შეგახსენებთ, 13 ოქტომბერს ლიტერატურის დარგში ნობელის პრემია ლეგენდარულმა მომღერალმა და მწერალმა ბობ დილანმა მოიპოვა. ნობელის კომიტეტის წევრების შეფასებით "დილანმა ამერიკული სიმღერის ტრადიციებთან ერთად, პოეზიის ახალი სახე შექმნა"
მასალის გამოყენების პირობები






