"დღევანდელ მსოფლიოში არსებული ვითარება ცივი ომის განვითარებას ჰგავს"- ბაშარ ასადი

მსოფლიო - 10:38, 14 Oct, 2016

2876

სირიის პრეზიდენტის ბაშარ ალ-ასადის განცხადებით, დღევანდელ მსოფლიოში არსებული ვითარება ცივი ომის განვითარებას ჰგავს.

ამის შესახებ ასადმა „კომსომოლსკაია პრავდასთან“ ინტერვიუში განაცხადა. მისი თქმით, ეს იმიტომ ხდება, რომ საბჭოთა კავშრის დაშლის შემდეგ აშშ-ს ცივი ომი არ დაუსრულებია.

ჟურნალისტის შეკითხვაზე, გადაიზრდება თუ არა მესამე მსოფლიო ომში სირიის კონფლიქტი, პრეზიდენტმა უპასუხა:

„ჩვენ ვხედავთ კონფცლიქტის ესკალაციას, მაგრამ მთავარი მიზანი - აშშ-ის ჰეგემონიის შენარჩუნება მსოფლიოზე, არავის აძლევს უფლებას იყვნენ პარტნიორები პოლიტიკურ თუ საერთაშორისო არენაზე, იქნება ეს რუსეთი თუ მისი მოკავშირეები დასავლეთში“ - განაცხადა ასადმა. ამიტომაც, ეს ომის სუნი, რომელიც თქვენ მესამე მსოფიო ომად აღწერეთ, იგრძნობა ჰაერში, მაგრამ ეს ჯერ არ არის პირდაპირი სამხედრო კონფლიქტი“ - დასძინა სირიის პრეზიდენტმა.

სირიაში ომი 5 წელია გრძელდება. კონფლიქტის მონაწილე წარმოადგენს მხარეებს პრეზიდენტ ბაშარ ასადის მხარდამჭერები, სამთავრობო ჯარები და ამბოხებულები, სხვადასხვა დაჯგუფებები, ქურთი ამბოხებულები, ასევე რადიკალური ექსტრემისტები - ტერორისტული დაჯგუფებ „ისლამური სახელმწიფო“ .

2014 წელს საერთაშორისო სამხედრო კოალიცამ , რომელსაც აშშ მეთაურობს, ასადის თანხმობის გარეშე, სირიაში „ისლამური სახელმწიფოს“ წინააღმდეგ ავიაიერიშები დაიწყო.

2015 წლის 30 სექტემბერს კონფლიქტში რუსეთი ჩაერთო, როგორც რუსული მხარე აცხადებს, ბაშარ ასადის თხოვნის შედეგად. ვლადიმერ პუტინის თქმით, ოპერაცია "ისლამური სახელმწიფოს" წინააღმდეგ ბრძოლას ემსახურებოდა. თუმცა საერთაშორისო საზოგადოება მას ბაშარ ასადის მოწინააღმდეგე ოპოზიციის პოზიციებისა და მშვიდობიანი მოსახლეობის დაბომბვაში ადანაშაულებს.

მარტის დასაწყისში, მოულოდნელად, ყოველგვარი წინაპირობის გარეშე, რუსეთის პრეზიდენტმა ვლადიმერ პუტინმა, სირიიდან რუსული საჯარისო ნაწილების ნაწილობრივ გამოყვანის შესახებ განკარგულება გასცა. თუმცა სირიაში რუსული ბაზები კვლავ დარჩა. რამდენიმე დღის წინ კი ცნობილი გახდა, რომ რუსეთმა სირიაში მუდმივმოქმედაი სამხედრო ბაზას განათავსა. გარდა ამისა , ვრცელდება ინფორმაცია, რუსეთის მიერ სირიაში თანამედროვე საზენიტო-სარაკეტო კომლექსები C-300 B4 განთავსების შესახებაც.

სექტემბრის დასაწყისში აშშ-მა და რუსეთმა სირიაში ცეცხლის შეწყეტის შესახებ შეთანხმებას მიაღწიეს.

აშშ-სა და რუსეთს შორის მიღწეული შეთანხმებით, ცეცხლის შეწყვეტის 7 დღიანი რეჟიმის შემდეგ, მხარეები სირიაში მოქმედი ჯიჰადისტური დაჯგუფებების წინააღმდეგ ერთობლივ საჰაერო ოპერაციებს დაიწყებენ.

12 სექტემბრიდან გამოცხადებული ზავი რამდენიმე ინციდენტის შემდეგ დაირღვა.

ასადმა სამშვიდობო შეთანხების ჩაშლის შესახებ მას შემდეგ განაცხადა, რაც აშშ-ის ხელმძღვანელობით მოქმედმა კოალიციამ სირიის ჯარზე დარტყმები განახორციელა.

როგორც ვაშინგტონმა განაცხადა, ავიაერიშები „ისლამური სახელმწიფოს“ პოზიციებისკენ იყო მიმართული და არა სირიის სამთავრობო არმიაზე. მოგვიანებით ოპერაციაში მონაწილეობა დიდმა ბრიტანეთმა, დანიამ და ავსტრალიამ აღიარეს

ამის შემდეგ დაიბომა ქალაქ ალეპოს რამდენიმე რაიონი. მოგვიანებით კი სირიაში, ალეპოს მახლობლად ჰუმანიტარულ დახმარებით დატვირთული ავტოკოლონა დაბომბეს, რომელიც ამბოხებულების მიერ კონტროლირებად რაიონში მიემართებოდა, რის გამოც ვაშინგტონმა მოსკოვთან სირიაში ცეცხლის შეწყვეტაზე მოლაპარაკებები მიდმინარე თვის დასაწყისში შეწყვიტა.

თეთრი სახლის განცხადებით სირიის ქალაქ ალეპოსთან "წითელი ჯვრის" ჰუმანიტარულ ავტოკოლონაზე ავიაიერიშის დროს ჰაერში სუ-24 ტიპის ორი რუსული გამანადგურებელი დაფრინავდა.