მილიარდერების რაოდენობით ჩინეთმა აშშ-ს კიდევ ერთხელ გადაასწრო

მსოფლიო - 19:54, 13 Oct, 2016

4236

მილიარდერების რაოდენობით, ჩინეთმა კიდევ ერთხელ გადაასწრო ამერიკის შეერთებულ შტატებს, თანაც საგრძნობი უპირატესობით.

ამის შესახებ დასავლური მედია, ჩინურ „ფორბსად“ წოდებულ „ჰიურენზე“ დაყრდნობით იტყობინება.

„ჰიურუნი“ 18 წელია ჩინეთში მდიდარი ადამიანების ყოველწლიურ სიას აქვეყნებს.

მონაცემების თანახმად, ჩინეთში წელს 594 მილიარდერია, მაშინ როცა შტატებში მათი რიცხვი 535-ია.

ჩინელი მილიარდერების სიის სათავეი კერძო საკუთრების გლობალური ლიდერი, "ვონდა გრუპის" დამფუძნებელი ვან ცზიანლინია. მისი ბიუჯეტი 32. 1 მილიარდ დოლარს შეადგენს. წლის დასაწყისში "ვონდა გრუპნა" ამერიკული კინოსტუდია Legendary Entertainment 3.5 მილიარდ დოლარად შეიძინა.

რეიტინგში მეორე ადგილს 30.6 მილიარდი დოალრით "ალიბაბას" დამფუძნებელი იკავებს.

მესამე ადგილი სატელეკომუნიკაციო ჰოლდინგის Tencent-ის პრეზიდენტს, პონი მას ერგო. მისი კაპიტალი 24.6 მილიარდ დოლარს შეადგენს. მეოთხე ადგილზეა საინვესტიციო კომპანიის Baoneng Group-ის ხელმღანელი იაო ჩჟენუა - 17.2 მილიარდი დოალრით.

მართალია, მილიონერების რიცხვით ჩინეთმა აშშ-ს გადაასწრო, თუმცა არცერთი ჩინელი მილიარდერი გლობალურ დონეზე უმდიდრესი ადამიანების ტოპ-ოცეულში არ შედის. ჟურნალ „ფორბსის“ თანახმად გლობალურ დონეზე უმდიდრესი ადამიანების სიაში "მაიკროსოფტის" დამფუძნებელი ამერიკელი ბილ გეიტსი ლიდერობს 75 მილიარდი დოლარით. მეორე ადგილზეა ბრენდი „ზარას“ მფლობელი ამანსიო ორტეგა 67 მილიარდი დოლარით, მესამეზე კი ლეგენდარული ინვესტორი უორენ ბაფეტი 60. 8 მილიარდი დოლარით.