ამერიკა გააკეთებს უდიდეს ნახტომს მარსზე. ამის შესახებ აშშ-ის პრეზიდენტის, ბარაკ ობამას წერილშია საუბარი, რომელიც CNN-ზე გამოქვეყნდა.

ბარაკ ობამა აცხადებს, რომ ხელს შეუწყობს ადამიანის მარსზე 2030 წლისთვის მოგზაურობას.

„ჩვენ გვაქვს ნათელი მიზანი, რომელიც სასიცოცხლოა ამერიკის კოსმოსორი ისტორიის შემდეგი ქვეთავისთვის: 2030-იან წლებში ადამიანების მარსზე გაგზავნა და უკან, დედამიწაზე უსაფრთხოდ დაბრუნება. საბოლოო ამბიცია კი იქ ადამიანების ხანგრძლივი დროით დარჩენაა“ — წერს ობამა.

ობამას თქმით, ამ მიზნის მისაღწევად სახელმწიფოსა და კერძო სექტორის მჭიდრო თანამშრომლობა გახდება საჭირო.

Nasa-ს წარმომადგენლებისა და კოსმოსის სხვა ექსპერტების თქმით, მარსის შესახებ თეთრი სახლის განცხადებაში ახალი არაფერი ყოფილა, რადგან Nasa უკვე ემზადება „მარსზე საკუთარი ტურნესათვის“. ”

სექტემბრის ბოლოს მარსის კოლონიზაციის გეგმების შესახებ ილონ მასკის კომპანიამ SpaceX-მა განაცხადა. კომპანიის გეგმის თანახმად, ადამიანის გაგზავნა მარსზე 200 ათასი დოლარი დაჯდება. SpaceX-ის გათვლით, პირველი პილოტირებადი ფრენა წითელ პლანეტაზე ადამიანებთან ერთად შესაძლოა, 2022 წლისთვის შესრულდეს.