ბებიის გარდაცვალებიდან 6 წლის შემდეგ შვილიშვილებმა გადაწყვიტეს მისი სახლი დაელაგებინათ. მათი ყურადღება ავტოფარეხში, მოულოდნელად აღმოჩენილმა ძველმა სეიფმა მიიპყრო. მემკვიდრეებს სეიფის გახსნა არ გასჭირვებიათ - კოდი იქვე იყო, თუმცა, სეიფში აღმოჩენილმა ნივთებმა ისინი შოკში ჩააგდო...

სეიფში "ბანკის ტომრები" აღმოჩნდა, რომლებიც 25, 50 ცენტიანი და 1 დოლარიანი ვერცხლის მონეტებით იყო სავსე. სეიფში ასევე კარგად მოვლილი ორი შაშხანა - Winchester 30/30 და 410-ე კალიბრის კარაბინი იდო. იარაღს თან შესაბამისი დოკუმენტაციაც ახლდა.

ტომრებში 800 ვერცხლის მონატა იყო. ყველაზე ძველი მონეტები მე-19 საუკუნის ბოლოს იყო გამოშვებული, მაგრამ მათი უმრავლესობა 20-ე საუკუნეს ეკუთვნოდა. ყველაზე ახალი, 50 ცენტიანი - 1964 წლით იყო დათარიღებული. ბებიას "კოლექციაში" იშვიათი მონეტები არ იყო, თუმცა მათი საერთო ღირებულება 15 000 დოლარს აღწევს.

აი, ასეთი სიურპრიზი მოუმზადა შვილიშვილებს ბებიამ, რომლებსაც დიდი ოდენობის თანხის აღმოჩენით განცდილი სიხარულის გარდა ახლა ეჭვიც სტანჯავთ - იყო თუ არა ბებია კრიმინალურ სამყაროსთან კავშირში, თუ იგი მონეტების უბრალო კოლექციონერი გახლდათ და ქმრის იარაღი მის სახოვრად დაიტოვა?!..