რუსეთის საგარეო საქმეთა მინისტრის სერგეი ლავროვის განცხადებით, რუსეთი აშშ-სთან ომს არ აპირებს.

ამის შესახებ ლავროვმ ტელეკომპანია CNN-თან ინტერვიუში სირიის საკითხზე საუბრისას განაცხადა.

ლავროვის განცხადებით, მოსკოვი ბაშარ ალ-ასადის ინტერესებისთვის, მოსკოვი ალეპოს დაპყრობას არ აპირებს.

როგორც რუსეთის პირველმა დიპლომატმა აღნიშნა, რუსეთი აშშ-სთან არსებული „ცივი კონფლიქტის“ გამწვავებას არ აპირებს.

„ჩვენ არაფერს ვაპირებთ. გვესმის აშშ-ის სამხედრო პირების განცხადებები, რომ რუსეთთან ომი გარდაუვალია, თუმცა ეს მათ სინდისზე იყოს“ - განაცხადა ლავროვმა.

შეგახსენებთ, ცოტა ხნის წინ ამერიკელი გენერლის, უილიამ ჰიქსის განცხადება გავრცელდა, რომლის თანახმად, თუ ჩინეთთან და რუსეთთან ომი მოხდება, ის „ძალიან სწრაფი და მომაკვდინებელი“ იქნება. კიდევ ერთმა გენერალმა მარკ მილიმ კი განაცხადა, რომ აშშ-ის კონფლიქტი რუსეთთან ან ჩინეთთან „პრაქტიკულად გარანტირებულია“.