"ეს უნდა გავაცნობიეროთ"- ტუბა ბუიუკუსტუნი და მურატ ილდირიმი პატარა გოგონების დასაცავად

ეს საინტერესოა - 12:22, 12 Oct, 2016

27229

11 ოქტომბერს, სტამბოლში გოგონების საერთაშორისო დღისადმი მიძღვნილ კონფერენციას ცნობილი თურქი ვარსკვლავები მურატ ილდირიმი და ტუბა ბუიუკუსტუნი დააესწრნენ. ტუბა ბუიუკუსტუნი unicef-ის კეთილი ნების ელჩია, მან კონფერენციაზე გამოსვლისას იმ პრობლემებზე ისაუბრა, რომელიც მსოფლიოში ბავშვებს , განსაკუთრებით კი პატარა გოგონებს აქვთ:

„მსოფლიოში ომები არ მთავრდება. მსოფლიოს სხვა კუთხეში დაბადებული ბავშვები იძულებულები ხდებიან სხვაგან გაიზარდონ. გაეროს რეზოლუციის მიხედვით ადამიანი 18 წლამდე ბავშვად ითვლება . სანამ ჩვენ აქ ვლაპარაკობთ , შეიძლება ვიღაც გოგონა სასტიკი მოპყრობის გამო კვდება. სტატისტიკის მიხედვით ყოველ 10 წუთში მსოფლიოში 1 გოგონა ძალადობის შედეგად იღუპება. ეს უნდა გავაცნობიეროთ. თუ მე შევძლებ ეს პრობლემა თქენამდე მოვიტანო და და ერთ გოგონას მაინც გავუღვივო პატარა ნაპერწკალი, ეს ფასდაუდებელი იქნება ჩემთვის.

მუდმივი ზეწოლის ქვეშ მყოფი პატარა გოგონები თავისთავში დაურწმუნებელ ადამიანებად იზრდებიან. არსებობენ საკმაო რაოდენობის ადამიანები, რომლებიც სამწუხაროდ თვლიან რომ ქალი ძალადობას იმსახურებს, ეს ძალიან მძიმე თემაა. თავისთავში დაურწმუნებლობა, გოგონებს საშუალებას არ აძლევს თავისი პოტენციალი გამოავლინონ. გოგონებისგან ელიან მხოლოდ იმას, რომ გაიზარდოს, გათხოვდეს და ბავშვები გააჩინოს.“- განაცხადა ტუბა ბუიუკუსტუნმა.

ყოველი წლის 11 ოქტომბრის გოგოების საერთაშორიო დღედ აღნიშვნის გადაწყვეტილება გაეროს ეკუთვნის. გაერთანებული ერების ორგანიზაციამ მსგავსი გადაწყვეტილება 2011 წელს მიიღო. დღის მიზანი - სოციალურ პრობლემებსა და უთანასწორობაზე ყურადღების გამახვილებაა, რაც გენდერული საკითხითაა გამოწვეული. ესენია - განათლების ხელმისაწვდომობა, ჯანდაცვა, სოციალური უფლებების დაცვა, დისკრიმინაციისგან, ძალადობისგან, არასრულწლოვანი გოგოების იძულებით ქორწინებისგან დაცვა.