აშშ-ში საპრეზიდენტო არჩევნებამდე სულ უფრო ცოტა დრო რჩება და ტემპერატურაც მატულობს.

საზოგადოებისთვის ცნობილი სახეები, მომღერლები, მსახიობები პერიოდულად გამოდიან პრეზიდენტობის „რესპუბლიკელი“ კანდიდატის დონალდ ტრამპის წინააღმდეგ.

ამჯერად, ვიდეომიმართვა ორგზის ოსკაროსანმა მსახიობმა, ჰოლივუდის ცოცხალმა ლეგენდამ რობერტ დე ნირომ გაავრცელა, რომელმაც ტრამპს ძაღლი და ღორი უწოდა და მისთვის სახეში გარტყმის სურვილიც გამოთქვა.

„ის აშკარად სულელია. ის უსარგებლო ადამიანია. ის არის ძაღლი. ის არის ღორი. ის პაროდიაა უნიჭო მსახიობის, უმეცარი, რომელმაც არც იცის რას ლაპარაკობს, ის არ ასრულებს საშინაო დავალებას, არაფერი ადარდებს. ფიქრობს, საზოგადოებას ეთამაშება, არ იხდის გადასახადებს. ის იდიოტია. კოლინ პაუელმა საუკეთესოდ თქვა მასზე: ის ეროვნული კატასტროფაა, ის დიდი არეულობაა ამ ქვეყნისთვის. მაბრაზებს ის, რომ ქვეყანა იმ ერაპზე მივიდა, რომ ეს შტერი შემთხვევით აღმოჩნდა იქ, სადაც ახლაა.

ის ამბობს ხოლმე, როგორ უნდა ხალხს სახეში ურტყას. კი ბატონო, მეც გავარტყავდი სახეში.

ეს ის არის, ვინც პრეზიდენტად გვსურს?! არა მგონია!

ის რაც მაღელვებს არის, რა მიმართულებით მიდის ქვეყანა და რაზეც ძალიან, ძალიან ვწუხვარ ის არის, რომ შესაძლოა ქვეყანა არასწორი მიმართულებით წავიდეს ვინმე ისეთის ხელში, როგორიც დონალდ ტრამპია.

თუ მომავალი გადარდებს, ხმა მიეცი მომავალს.“