ვლადიმერ პუტინი და რეჯეპ ტაიპ ერდოღანი თანამშრომლობის აღდგენაზე შეთანხმდნენ

მსოფლიო - 10:50, 11 Oct, 2016

2624

მრავალთვიანი პაუზის შემდეგ , გუშინ, სტამბოლში აშშ-ისა რუსეთის პრეზიდენტების შეხვედრა შედგა.

ვლადიმერ პუტინი და რეჯეპ ტაიპ ერდოღანი სადაზვევრო და სამხედრო სფეროებში თანამშრომლობის აღგენაზე, თურქული ხილის ზოგიერთი სახეობის იმპორტზე არსებულ ემბარგოს მოხსნაზე, ასევე გაზსადენ „თურქული ნაკადის“ მშენებლობაზე შეთანხდნენ.

რუსეთის პრეზიდენტის განცხადებით, ისინი სირიაში, ჰუმანტარული დახმარების მიწოდების აუცილებლობაზეც შეთანხმდნენ.

რაც შეეხება "თურქულ ნაკადს", როგორც „გაზპრომის“ ხელმძღვანელმა ალექსეი მილერმა განაცხადა, გაზსადენის მშენებლობის პირველი სტადიის დასრულება 2019 წლისთვის არის დაგეგმილი.
„თურქული ნაკადის“ მეშვეობით იგეგმება რუსული გაზის მიწოდება თურქეთში და საბერძნეთის საზღვრებამდე, შავი ზღვის გავლით.

შეგახსენებთ, რუსეთ-თურქეთის ურთიერთობა 24 ნოემბრის შემდეგ დაიძაბა. თურქეთმა საჰაერო სივრცის დარღვევისთვის, რუსეთის სამხედრო თვითმფრინავი სუ-24 რამდენიმე გაფრთხილების შემდეგ ჩამოაგდო.

რუსეთმა თურქეთთან სამხედრო კონტაქტები უკვე გაწყვიტა და უვიზო რეჟიმიც გააუქმა. ბოსტნეულის, ხილის, ნედლეულისა და მრეწველობის პროდუქცია რუსეთში 2016 წლის 1-ელი იანვრიდან ვეღარ შევა. ასევე, თურქულ კომპანიებს რუსეთში საქმიანობის უფლებაც აეკრძალათ.

ივლისში პუტინსა და ერდოღანს შორის პირველი სატელეფონო საუბარი შედგა, რის შემდეგაც კრემლმა თურქეთთან ურთიერთობის ნორმალიზების პროცესის დაწყება დაანონსა.