ნატო-ს გენერალური მდივანი იენს სტოლტენბერგი გერმანიაში ევროკავშირის პრეზიდენტს შეხვდა. შეხვედრის ფარგლებში სტოლტენბერგმა რუსეთის ფედერაციის ქმედებებზე ისაუბრა და განაცხადა, რომ რუსეთის მიერ შექმნილ პრობლემებში, ყველაზე მწვავე მისი მხრიდან მეზობელ ქვეყნებზე თავდასხმაა:

"რუსეთმა სამხედრო შესაძლებლობები განავითარა, თუმცა შეშფოთებას ყველაზე მეტად იწვევს ის ფაქტი, რომ ისინი ძალას იყენებენ საკუთარი მეზობლების წინააღმდეგ, როგორც ეს მოხდა უკრაინის - ყირიმის შემთხვევაში და ასევე საქართველოში. რუსეთს ჯარები ჰყავს მოლდოვაშიც. ასე რომ, ჩვენ დღეს ვხედავთ უფრო შემტევ და ძლიერ რუსეთს, რომელიც მზადაა გამოიყენოს ძალა," - აცხადებს სტოლტენბერგი.