მზად ვიქნებით ვიმუშავოთ დემოკრატიულად არჩეულ ახალ პარლამენტთან

მზად ვიქნებით ვიმუშავოთ დემოკრატიულად არჩეულ ახალ პარლამენტთან - ევროკავშირის მაღალჩინოსნების განცხადება

მსოფლიო - 09:30, 10 Oct, 2016

2780

საქართველოში ჩატარებულ საპარლამენტო არჩევნების შესახებ, ევროკავშირის უმაღლესი წარმომადგენელი, , ვიცეპრეზიდენტი ფედერიკა მოგერინი და ევროკომისარი იოჰანეს ჰანი ერთობლივ განცხადებას აქვეყნებენ:

„8 ოქტომბერს საქართველოში საპარალამენტო არჩევნები ჩატარდა. ეუთო-ს დემოკრატიული ინსტიტუტებისა და ადამიანის უფლებათა ოფისის (OSCE/ODIHR) სადამკვირვებლო მისიის წინასწარი დასკვნის მიხედვით, არჩევნები იყო კონკურენტული, კარგად ორგანიზებული, დაცული იყო ადამიანის ძირითადი უფლებები .

მშვიდ და ღია კამპანიაზე ზეგავლენა იქონიეს განცხადებებმა არაკანონიერი კამპანიის წარმოების შესახებ და ძალადობის ცალკეულმა შემთხვევებმა. ზოგადად, არჩევნების დღე წესრიგის დაცვით მიმდინარეობდა, თუმცა დღის განმავლობაში დაძაბულობამ იმატა და რამდენიმე ძალისმიერ შეხლა–შემოხლას ჰქონდა ადგილი, როგორც საარჩევნო უბნების სიახლოვეს, ასევე თვით საარჩევნო უბნებშიც. თუმცა, ხმის მიცემის პროცესი თითქმის ყველა საარჩევნო უბანშზე დადებითად შეფასდა. ნებისმიერი დარჩენილი ხარვეზი OSCE/ODIHR–ის რეკომენდაციების საფუძველზე უნდა აღმოიფხვრას.

ევროკავშირი ყურადღებით აკვირდებოდა მთელ პროცესს, მათ შორის ხმების ოფიციალური დათვლის პირველად შედეგებს. არჩევნების მეორე ტურისთვის და მეორე ტურამდე ყველა პარტიამ და კანდიდატმა თავი უნდა შეიკავოს დაპირისპირებისა და ძალადობისგან და პატივი სცეს დემოკრატიულ პრინციპებსა და ქართველი ხალხის ნებას.

ევროკავშირი ერთგული მხარდამჭერია საქართველოს სტაბილური, დემოკრატიული და კეთილდღეობით აღსავსე მომავლის. მას შემდეგ რაც საარჩევნო პროცესი დასრულდება, ჩვენ მზად ვიქნებით ვიმუშავოთ დემოკრატიულად არჩეულ ახალ პარლამენტთან და მთავრობასთან მჭიდრო პოლიტიკურ-ეკონომიკური ურთიერთობების გასაღრმავებლად, რომელიც ევროკავშირი–საქართველოს შორის ასოცირების შეთანხმებით აღებულ ურთიერთვალდებულებზეა დაფუძნებული. მნიშვნელოვანია, რომ ახალ პარლამენტში არჩეულმა ყველა წევრმა ერთად იმუშავოს საქართველოს ინტერესების საკეთილდღეოდ“ - ნათქვამია განცხადებაში.