რუსეთის მთავრობამ უნდა დაასრულოს ის სიტუაცია, როდესაც ჟურნალისტების მკვლელები დაუსჯელები რჩებიან

რუსეთის მთავრობამ უნდა დაასრულოს ის სიტუაცია, როდესაც ჟურნალისტების მკვლელები დაუსჯელები რჩებიან - მიატოვიჩი

მსოფლიო - 17:57, 07 Oct, 2016

2058

ეუთო რუსეთის ხელისუფლებას ჟურნალისტების მკვლელობაში დამნაშავეების დასჯისკენ მოუწოდებს.

“ რუსეთის მთავრობამ უნდა დაასრულოს სიტუაცია, როდესაც ჟურნალისტების წინააღმდეგ ჩადენილი დანაშაულების ჩამდენი პირები დაუსჯელები რჩებიან” –ამის შესახებ ეუთო-ს წარმომადგენელმა მედიის თავისუფლების საკითხებში დუნია მიატოვიჩმა გამოცემა “ნოვაია გაზეტას” ჟურნალისტის ანა პოლიტკოვსკაიას მკვლელობის მე-10 წლისთავზე გააკეთა.

“ვაღიარებ ანა პოლიტკოვსკაიას საქმეში მიღწეულ პროგრესს, თუმცა გასაკეთებელი ჯერაც ბევრია“ - განაცხადა მიატოვიჩმა.

მისი თქმით, მიუღებელია, ჟურნალისტის მკვლელობიდან 10 წლის შემდეგ , მკვლელობის მთავარო ორგანიზატორები დაუსჯელები იყვნენ.

მიატოვიჩმა ყურადღება გაამახვილა იმაზე, რომ რუსეთში ჟურნალისტები მკვლელობა სათანადოდ გამოძიებული არ არის.

48 წლის ანა პოლიტკოვსკაია 2006 წლის 7 ოქტომბერს მოსკოვში, საკუთარი სახლის სადარბაზოში მოკლეს.

2005 წელს, მოსკოვის საქალაქო სასამართლომ სამუდამო პატიმრობა მიუსაჯა ჟურნალისტ ანა პოლიტკოვსკაიას მკვლელობაში ბრალდებულ ორ პირს - ჩეჩენ რუსტამ მაჰმუდოვს და ლომ-ალი გაიტუკაევს. 12 წლით თავისუფლების აღკვეთა მიესაჯა იბრაჰიმ მაჰმუდოვს, 14 წლით - ჯაბრაილ მაჰმუდოს, ხაჯიკურბანოვს კი 20 წლით. მკვლელობაში თანამონაწილეობისათვის 11-წლიანი პატიმრობა მიუსაჯეს ასევე ყოფილი მილიციონერს დმიტრი პავლიუჩენკოს.

მკვლელობის ორგანიზატორები ამ დრომდე უცნობია.