ვლადიმერ პუტინმა შსს-ს 10 გენერალი თანამდებობიდან გაათავისუფლა

მსოფლიო - 17:32, 07 Oct, 2016

5134

რუსეთის პრეზიდენტმა ვლადიმერ პუტინმა შინაგან საქმეთა სამინისტროს 10 გენერალი თანამდებობიდან გაათავისუფლა.

ამის შესახებ რუსული მედია სამართლებრივი ინფორმაციის ოფიციალურ პორტალზე დაყრდნობით იტყობინება.

გენერლების გათავისუფლებას ეროვნული გვარდიის შექმნას უკავშირებენ.

როგორც სააგენტო „იტარ-ტასი“ იტყობინება, ყველა გათავისუფლებული გენერალი შსს-ს იმ ქვედანაყოფებს ხელმძღვანელობდა, რომლებიც როსგვარდიაში გადაიყვანეს.

ეროვნული გვარდიის შექმნის შესახებ ბრძანებს ვლადიმირ პუტინმა 4 ივლისს მოაწერა ხელი. აღნიშნული გვარდიის შექმნის შესახებ ინფორმაცია მიმდინარე წლის აპრილში გავრცელდა. მაშინვე მედიაში უკვე გავრცელდა ვარაუდი, რომ პუტინს მომავალი არჩევნებისთვის არეულობის ეშინია და ეროვნული გვარდიის შექმნა, სწორედ ამიტომ გადაწყვიტა.

კანონის თანახმად, ეროვნული გვარდიის, როგორც სახელმწიფო სამხედრო ორგანიზაციის დანიშნულება სახელმწიფოებრივი და საზოგადოებრივი წესრიგის, კანონისა და ადამიანის თავისუფლების დაცვა იქნება.

გავრცელებული ცნობით, ჯარი ჩართული იქნება საზოგადოებრივი წესრიგის, მნიშვნელოვანი სახელმწიფო ობიექტების დაცვაში. ისინი ასევე მიიღბენ მონაწილეობას ტერორიზმთან და ორგანიზებულ დანაშაულთან ბრძოლაში, ასევე უზრუნველყოფს საგანგებო მდგომარეობის სამართლებრივ რეჟიმებსა და კონტრტერორისტულ ოპერაციებში.