მშვიდობის დარგში ნობელის პრემიის ლაურეატი კოლუმბიის პრეზიდენტი ხუან მანუელ სანტოსი გახდა

მსოფლიო - 12:59, 07 Oct, 2016

2506

მშვიდობის დარგში ნობელის პრემიის ლაურეატი კოლუმბიის პრეზიდენტი ხუან მანუელ სანტოსი გახდა.

ამის შესახებ ინფორმაციას "როიტერსი" ავრცელებს.
დაჯილდოება ოსლოში, ამ წუთებში მიმდინარეობს.
ნობელის კომიტეტის განცხადებით, პრეზიდენტს ჯილდო საკუთარი ქვეყნისა და მოსახლეობისთვის მიღწეული მშვიდობისთვის გადაეცა, რაც თითქმის 50 წლიანი სამოქალაქო ომის დასასრულს გულისხმობს.
სექტემბრის ბოლოს, კოლუმბიის პრეზიდენტმა და კოლუმბიის რევოლუციური შეიარაღებული ძალების” (“ფარკი”) ლიდერმა ტიმოლეონ ხიმენესმა, ისტორიულ სამშვიდობო შეთანხმებას მოაწერეს ხელი .

სამშვიდობო მოლაპარაკებები კოლუმბიის მთავრობასა და ამბოხებულებს შორის ოთხ წელზე მეტ ხანს გრძელდებოდა.

კომპრომისის მიღწევა კი ისეთი საკითხებით მოხერხდა, როგორიცაა მიწის რეფორმა, დაჯგუფების განიარაღება, ამბოხებულების ინტეგრაცია ქვეყნის პოლიტიკურ ცხოვრებაში, გარდა სერიოზულ სამხედრო დანაშაულში მონაწილე პირებისა და სხვა.

კოლუმბიის მთავრობასა და ამბოხებულებს შორის ნახევარსაუკუნოვან კონფლიქტს 220 ათასამდე ადამიანი ემსხვერპლა, მილიონობით ადამიანმა კი საცხოვრებელი სახლი მიატოვა.