17 მაისს ლგბტ აქციას მეორე აქცია დაუპირისპირდება

საზოგადოება - 12:38, 10 May, 2013

913

ეროვნული ფრონტის მიმართვა

17 მაისს ქართველ პატრიოტთა არასამთავრობო ორგანიზაცია "ეროვნული ფრონტი" თბილისში საქართველოს პარლამენტის ყოფილი შენობის წინ გამართავს აქციას ქვეყანაში სექსუალურ უკუღმართობათა პროპაგანდის, აგიტაციის, ტირაჟირების და რეკლამირების აკრძალვის მოთხოვნით.

სამწუხაროდ, დღეს, მსოფლიოს ეკონომიკურად დაწინაურებულ ქვეყნებში აქტიურად აკანონებენ სოდომ-გომორულ ცოდვას და ცხოვრების წესს, სახავენ რა მის სხვადასხვა გამოვლინებას ბუნებრივ და მისაღებ წესად და მოითხოვენ ამ წესის არა მხოლოდ შემწყნარებლობას, არამედ აღიარებას, პროპაგანდას და ფართოდ დამკვიდრებას. მეტიც, მთელ რიგ ქვეყნებში ერთსქესიანთა ქორწინება კანონმდებლობით იქნა დაშვებული მიუხედავად მოსახლეობის ფართომასშტაბიანი პროტესტისა. "ეროვნული ფრონტი" თვლის, რომ გლობალისტური ეკონომიკური კლანების მიერ ნასაზრდოები და დაფინანასებული ე.წ. ლგბტ (ლესბოსელების-გეების-ბისექსუალების-ტრანსსექსუალების) მოძრაობა ანტიჰუმანურ და ანტიქრისტიანულ მიზნებს ემსახურება და ბუნებისა და ღვთის მიერ დადგენილი კანონების წინააღმდეგაა მიმართული.

მაშინ, როდესაც გრანტებს მოწყურებული და დახარბებული ათასი ჯურის არასამთავრობო ორგანიზაცია ე.წ. სექსუალურ უმცირესობათა უფლების დაცვაზე ზრუნავს, მათ ავიწყდებათ, რომ სწორედ ისინი ემსახურებიან ანიტიჰუმანურ, ანტიადამიანურ და ღვთისსაგმობ მიზნებს. ნაცვლად იმისა, რომ ცოდვაში ჩავარდნილ და გზასაცდენილ ადამიანებს სწორ გზაზე შემობრუნებასა და გარყვნილების ჭაობიდან თავდაღწევაში დაეხმარონ, პირიქით, ისინი ახალისებენ და ხელს უწყობენ ამ ადამიანების სულიერ კვდომას და ცდილობენ ხელი მოითბონ ამ ადამიანების უბედურებაზე.

"ეროვნული ფრონტი" დაუშვებლად მიიჩნევს ამ ცოდვის და გარყვნილების პროპაგანდას, ტირაჟირებას, რეკლამირებას. მიგვაჩნია, რომ მსგავსი საქმიანობა წარმოადგენს ეროვნული უსაფრთხოების საკითხს, რადგან საფრთხე ექმნება ქართველთა მომავალი თაობის ღირსეულად აღზრდას, ქრისტიანულ და ქართულ ეროვნულ ფასეულობებზე დაფუძნებული საზოგადოების მშენებლობას.

აქედან გამომდინარე, მივმართავთ საქართველოს ხელისუფლებას აიკრძალოს სექსუალურ უკუღმართობათა პროგანდა, ტირაჟირება, რეკლამირება!

ქართველი ადამიანი ვერასოდეს შეურიგდება წინაპართა სისხლით მორწყულ მიწაზე ჰომოსექსულიზმის და სხვა სექსუალურ უკუღმართობათა დაკანონებას, ვერ შეურიგდება, თუნდაც ევროპის კავშირში გაწევრიანების სანაცვლოდ!!! ქართველი ადამიანის დამოუკიდებლობისთვის და ეროვნული თავისუფლებისთვის ბრძოლა ყოველთვის ეფუძნებოდა ქართული და ქრისტიანული სახელმწიფოს მშენებლობის იდეას და არა ფსევდო-დემოკრატიისა და ფსევდო-ლიბერალური ღირებულებების ნიღაბქვეშ მოქმედი გლობალისტური ფინანსურ-ეკონომიკური კლანების ინტერესებს.

ყოველივე ზემოთქმულის საფუძველზე, "ეროვნული ფრონტი" მოუწოდებს ქართულ საზოგადოებას 17 მაისს დილის 9 საათიდან შევიკრიბოთ რუსთაველის გამზირზე, საქართველოს პარლამენტის ყოფილი შენობის წინ და ერთად მოვითხოვოთ აიკრძალოს სექსუალურ უკუღმართობათა პროპაგანდა.

ევგენი მიქელაძე

"ეროვნული ფრონტის" გამგეობის თავმჯდომარე