საერთაშორისო დონორები ავღანეთს 15,2 მილიარდ დოლარას გამოუყოფენ

მსოფლიო - 11:25, 06 Oct, 2016

1598

ბრიუსელში, საერთაშორისო კონფერენციაზე დონორმა ქვეყნებმა ავღანეთის განვითარებისთვის უახლოესი ოთხი წლის განმავლობაში 15,2 მილიარდი დოლარის გამოყოფის პირობა დადეს.

მიუხედავად იმისა, რომ დონორების ყურადღება სირიის კონფლიქტზეა გამახვილებული, კონფერენციაზე შეგროვებული თანხა ოთხი წლის წინ გამოყოფილ თანხაზე ბევრად ნაკლები არ არის - აღნიშნავს სააგენტო AFP. მაშინ ავღანეთს 16 მილიარდი დოლარი გამოუყვეს.

ავღანეთის საკითხზე გამართულ კონფერენციას 70-ზე მეტი ქვეყნისა და 20 საერთაშორისო ორგანიზაციის წარმომადგენლები ესწრებოდნენ.

"მინდა იცოდეთ, რომ თქვენ არ მოგიწევთ ამ გზის მარტო გავლა. ახლა არ არის დრო, რომ ავღანეთის მოსახლეობისთვის ჩვენი ამბიციები ან ინვესტიციები შევამციროთ" - განაცხადა საერთაშორისო თანამშრომლობისა და განვითარების საკითხში ევროკავშირის კომისარმა ნევენ მიმიცამ.

ფინანსური დახმარების სანაცვლოდ, ავღანეთმა კორუფციის წინააღმდეგ საბრძოლველად რეფორმები უნდა გაატაროს , ასევე გააუმჯობესოს ადამიანის უფლებათა მდგომარეობა.

ამას გარდა, ქაბულმა თანხმობა განაცხადა, უფრო სწრაფად მიიღოს უკან ევროპიდან დეპორტირებული ავღანელი მიგრანტები

ბრიუსელის კონფერენციის დაწყებამდე, „თალიბანის“ მებრძოლებმა ქალაქ კუნდუზაზე თავდასხმა დაიწყეს და იმავე დღესვე კონტროლი დაამყარეს.

ავღანეთის სამთვრობო ძალებსა და „თალიბანის“ მებრძოლებს შორის სამბრძოლო მოქმედებები 34 ქვეყნის 34 პროვინციაში მიმდინარეობს.