ქიმიის დარგში ნობელის პრემიის ლაურეატები შოტლანდიელი, ფრანგი და ჰოლანდიელი მეცნიერები გახდნენ

მსოფლიო - 15:25, 05 Oct, 2016

1818

ქიმიის დარგში ნობელის პრემიის ლაურეატები შოტლანდიელი, ფრანგი და ჰოლანდიელი მეცნიერები გახდნენ. პრესტიჟული ჯილდო ჟან-პიერ სავაჟს, ჯეიმს ფრეზერ სტოდარტსა და ბერნარდ ფერინგს მოლეკულური მანქანის სინთეზისა და პროექტირებისთვის მიანიჭეს. როგორც ნობელის კომიტეტში აღნიშნავენ, "მათ მოძრაობის მოლეკულურ დონეზე დაყვანა" შეძლეს.მანქანები, რომლებიც მეცნიერებმა შექმნეს, თმის ღერზე ათასჯერ მცირეა. მკვლევარებს მოლეკულების გაერთიანება შეუძლიათ, რაც მანქანის ძრავიდან დაწყებული უმცირესი ნაწილებით დასრულებული ყველა დეტალის პროექტირების შესაძლებლობას იძლევა.

ჟან პიერ სავაჟი - სტრასბურგის საპატიო პროფესორი და საფრანგეთის ეროვნული სამეცნიერო კვლევითი ცენრტის დირექტორია.

ფრეზერ სტოდარტი აშშ-ის ჩრდილო-დასავლეთ უნოვერსიტეტში მუშაობს, ბერნარდ ფერინგი კი ჰოლანდიაში, გრონინგენის უნივერსიტეტში ორგანული ქიმიის პროფესორია.

შეგახსენებთ, მედიცინისა და ფიზიოლოგიის დარგში ნობელის პრემიის ლაურეატი, ტოკიოს ტექნოლოგიურ ინსტიტუტოს მეცნიერი იოშინორი ოსუმი გახდა. იაპონელმა მეცნიერმა ნობელის პრემია ავტოფაგიის შესწავლისთვის აიღო.

ავტოფაგია - სხეულის მიერ საკუთარი ნივთიერებების და ქსოვილების შთანთქმაა, ორგანიზმის ხანგრძლივი შიმშილობის დროს.
ფიზიკის დარგში კი პრემია სამ ბრიტანელ მეცნიერს - დევიდ ტაულესს, მაიკლ კოსტერლიცსა და დანკან ჰელდანს მიენიჭა.

მეცნიერებმა განსაკუთრებული წვლილი შეიტანეს ტოპოლოგიური ფაზური გადასვლის შესახებ მეცნიერების განვითარებაში და ე.წ. “უცნაური მატერიის” კვლევაში.

მშვიდობის დარგში ნობელის პრემიის მფლობელების დაჯილდოების ცერემონია ტრადიციულად, სტოკჰოლმში, 10 დეკემბერს გაიმართება. წელს პრემიის ოდენობა 953 ათას აშშ დოლარს შეადგენს.