ჯულიან ასანჟი აშშ-ის საპრეზიდენტო არჩევნებამდე მილიონ საიდუმლო დოკუმენტს გამოაქვეყნებს

მსოფლიო - 08:39, 05 Oct, 2016

2956

WikiLeaks-ის დამფუძნებლის ჯულიან ასანჟის განცხადებით, აშშ-ის საპრეზიდენტო არჩევნებამდე, ანუ 8 ნოემბრამდე მილიონ საიდუმლო დოკუმენტს გამოაქვეყნებს, მათ შორის საპრეზიდენტო არჩევნდებთან დაკავშირებულს. დასავლური მედიის თქმით, ამის შესახებ ასანჟმა “ვიკილიქსის” დაარსებიდან მეათე წლისთავთან დაკავშირებით ვიდეოჩართვაში განაცხადა.

ასანჟის თქმით, მიმდინარე წლის ბოლომდე იგეგმება მილიონამდე დოკუმენტის გამოქვეყნება, რომლებსაც აქტუალურ მოვლენებზე გადამწყვეტი გავლენა ექნებათ.

მისივე თქმით, აღნიშნული დოკუმენტაციის გამოქვეყნება, ჰილარი კლინტონის დისკრედიტაციისკენ არ არის მიმართული.

საიდუმლო დოკუმენტაციის გამოქვეყნების გამო, ჟულიან ასანჟის წინააღმდეგ საქმეა აღძრული. 2012 წელს, დიდ ბრიტანეთში ეკვადორის საელჩომ ასანჟის თავშესაფარი მიანიჭა და დღემდე იქ იმყოფება. დიპლომატიური მისიის დატოვების შემთხვევაში მას დაპატიმრება ემუქრება.

ამავდროულად, შვედეთში მას ორი ქალის გაუპატიურებაში ადანაშაულებენ და მის ექსტრადირებას ითხოვენ. თავად ასანჟი ამ ბრალდებას კატეგორიულად უარყოფს.

WikiLeaks-ის დამფუძნებლის ჟულიან ასანჟის განცხადებით, ის მზად არის ამერიკის ხელისუფლებას ჩაბარდეს, მხოლოდ ერთი პირობით - თუკი მის ინფორმატორს, აშშ-ის არმიის ყოფილ ოფიცერს ჩელსი მენინგს შეიწყალებენ.