რუსეთის საგარეო საქმეთა სამინისტრო „სინანულს გამოხატავას“ აშშ-ის გადაწყვეტილების გამო, შეწყვიტოს მოსკოვთან თანამშრომლობა სირიის საკითხზე.

“მყარდება ჩვენი შთაბეჭდილება, რომ დამასკოში ხელისუფლების შეცვლის მიღწევის მცდელობისას ვაშინგტონი მზად არის, “ეშმაკს გაურიგდეს” - შექმნას კავშირი ტერორისტებთან, რომლებიც ისტორიის შემობრუნებაზე ოცნებობენ” - ნათქვამია რუსეთის საგარეო უწყების განცხადებაში.

რუსეთის საგარეო უწყება მიიჩნევს, რომ აშშ-ის პრეზიდენტის ადმინისტრაცია ვერ ასრულებს თანამშრომლობისთვის აუცილებელი პირობას - ზომიერი ოპოზიციონერებისა და ტერორისტების გამიჯნვა.

ვაშინგტონმა მოსკოვთან სირიაში ცეცხლის შეწყვეტაზე მოლაპარაკებები შეწყვიტა. დასავლური მედიის ცნობით, ოფიციალური გადაწყვეტილება თეთრი სახლის პრესსამსახურმა გაახმაურა.

ჯოშ ერნესტის თქმით, რუსეთმა ყველას მოთმინება ამოწურა და ის არ სცემს პატივს იმ ვალდებულებებს, რაც ზავის განსახორციელებლადაა საჭირო.