„კარიბის ზღვის მეკობრეების“ მოყვარულთათვის სასიამოვნი სიახლეებია.

ფილმის მეხუთე ნაწილის, „მკვდრები ზღაპრებს არ ყვებიან" თიზერი გამოვიდა.

თიზერი ნამდვილად არის იდუმალებით მოცული, თუმცა ვიგებთ, რომ კაპიტან ჯეკ ბეღურას სიმშვიდე არ ეღირსება და მტრების რიცხვი კიდევ უფრო გაზარდა.

მოკლედ, კაპიტანი ისევ შარშია. თუმცა, თიზერი ინფორმაციას არ იძლევა სად გაიჩინა კაპიტანმა ახალი მტრები, ან სად არის თვითონ.

ვიდეოში არც ჯეკ ბეღურა (ჯონი დეპი) და არც უილ ტერნერი (ორლანდო ბლუმი) არ ჩანან, სამაგიეროდ კარგად ჩანს მთავარი ბოროტი პერსონაჟი, კაპიტანი სალაზარი, რომლის როლსაც ხავიერ ბარდემი ასრულებს.

ფილმის გულშემატკივრებს ახალი ნაწილის სანახავად მოცდა კიდევ მოუწევთ, რადგან ის 2017 წლის მაისში გამოვა.