დემნა გვასალიამ პარიზის მოდის კვირეულზე Balenciaga-ს ახალი კოლექცია წარადგინა (ფოტოკოლაჟი)

შოუ ბიზნესი - 13:07, 03 Oct, 2016

5348

ქართველმა დიზაინერმა , დემნა გვასალიამ Balenciaga-ს კრეატიული ხელმძვანელის რანგში პარიზის მაღალი მოდის კვირეულზე კოლექცია წარადგინა.

დემნას კოლექციას მოდის ელიტის მხრიდან როგორც ყოველთვის, ამჯერადაც დიდი გამოხმაურება მოჰყვა. ქართველებისთვის კი მისი კოლექცია ხშირად ღიმილისმომგვრელია, რადგან მარტივად აღმოაჩენთ 90-იანი წლების დეტალებს.

"ვოგის" ამერიკული და ბრიტანული რედაქციები დემნას კოლექციას კვლავაც მოდის ინდუსტრიაში ინოვაციურსა და გარდამტეხს უწოდებს.

დემნა გვასალიამ "ბალენსიაგას" შემოქმედებითი ხელმძანელობის რანგში პირველი ჩვენება შარშან გამართა.

მაშინ ამერიკულმა "ვოგიმ" კოლექციას სენსაციური დებიუტი უწოდა.

ბრიტანული ვოგის რედაქტორმა ალექსანდრა შულმანმაკი სოციალურ ქსელში ჩვენებიდან ფოტო გამოაქვეყნა და დაწერა, რომ „ეს ახალი ბალენსიაგას დიდი წარმატებაა.“

შეგახსენებთ, დემნა გვასალია „ბალენსიაგას“ კრეატიული დირექტორი 2015 წლის ნოემბერში გახდა. პარალელურად, ის განაგრძობს ბრენდ Vetements-ის კოლექციის შექმნას. Vetements-ის სათავეში დემნასთან ერთად მისი ძმა გურამ გვასალია დგას. მათი სახასიათო ნიშანი დიდი ზომის სამოსი, ყვავილების პრინტებიანი კაბები და გადაკეთებული ჯინსებია. გვასალია რვა წლის განმავლობაში Margiela-ს კულისებში მუშაობდა. თანამშრომლობდა "ლუი ვიტონთანაც." დემნა გვასალიას მეისონ მარტინი მარჯიელას "სულიერ შვილს" უწოდებდა. გამოცემა, businessoffashion.com კი მას ვუნდერკინდ ქართველ დიზაინერს უწოდებს.